Parçalanan toprak
Ya-da
9-nji Desember trajedisi
Tayyarlan:
SWEDEN
July 1996
Bu iyşiñ
zähmeti iylimiziñ merdana ogulları
Gaygısız Atabay
we
Şirli Tumajıñ
Yağtı hatıralarına
bağışlanyar.
Gayra, gayrada galdı,
Oklar yarada galdı,
Biziñ bilen deñ-duwşlar,
Bizden gayrada galdı.
Läleden
19-nji
asırın 2-nji yarımı, 20-nji asırıñ başlarında dörän şertler
halkımızıñ tarıxında kesgiytleyji rol oynap, türkmenleriñ
siyası durmuşında ööz ajı tağmasını galdırıp gelyär. Şol galagowuplı yıllarda
daşardan abanan
howuplar we basıbaljı güyçler milletimiziñ täleyini gara
yazıpdırlar.Şol
elhenç, şuwm wakalarıñ biyrisi-de 1881-nji yılıñ 9-nji Desemberinde
Eyran-Rus döwletleri arasında bağlaşılan bir şert-nama esasında topragımızıñ
iki para edilmegidir. Şeylelik bilen Etrek.Gürgen türkmenleri Eyranıñ häkimiyeti astına berlip, biraz soñ Za-Kaspi(Hazar ötesi) oblest
diylip adlandırlan häzirki Türkmenistan jemhuriyeti bolsa orslarıñ gazigina örklenyär. Bu siyası wakanıñ düyp sebäni düşünmek üçin bir-az tarıxıñ
sahıypalarına göz aylaylıñ.
20-nji
asırıñ başlanmagı bilen koloniyalistik
siyasatları esasında ezilen halklarıñ milli azat-ediş hereketleri barha möwç alıp başlayar.
Latın Amerikadan Hıtaya, Afrikadan Irlanda jenli Inglisleriñ, Fransuzlarıñ,
Spanyollarıñ we Portegeslarıñ garşısına ulı möçberde göreş başlanyar.
Angelyanıñ Mençester mata öönderyän fabrikları Hindistan pağtasınıñ talanmagı bahasına ayak üstünde duryardı, olar Hitayıñ Şanghay we Hung-kong yalı söwda merkezlerini hem ööz kontrollarında saklap gelyärdiler.
Inglisler Eyranıñ nebidini hem talap, yurdiñ siyası ıkbalında belli derejede
ööz täsirlerini yetiryärdiler.
Orsyediñ
tezarı Puter 1-njiniñ wesiyeti boyunça, orslar Kafgazı, Türküstanı we Hindistanı ele geçirip, Inglisleri bu yerden kowup çıkarmalıdılar.
Iki güyçli döwletiñ bu aldım-berdimli söweşinde türk halkı-şol sandan türkmenler gatı horlanyarlar, toprakları basılıp alınyar we parça-parça
edilyär.(Puteriñ wesyetiniñ dolı mazmunını goşmaça böölüminde getirdik).
Bu
döwürde türkmenler öözbaşdaklık ugrundakı göreşlerini barha yaybañlandırıp, birnäçe
gezek Astrabat goşunını hem-de orsların Aşır-adadakı harbı merkezini hüjüm astına alyarlar.
“1836-nji
yılda Eyran döwleti türkmenleriñ gozgalañlarıñı basıp
yatırmak üçin orslardan iki sanı uruş gämi bilen 15 günüñ içinde Kümüş-depäni
topa tutmagını hayış etyär(Türkmençay şert-naması esasında Eyranıñ harbı gämileri Hazar deñizine girmegi gadagan
edilipdi). Eyranıñ goşun başlıgı Ärdeşir mürze Kümüş-depeli Kıyat hanıñ gozgalañını basıp yatırmak üçin Gürgene goşun sürüpdi we bu gämiler bolsa
şol yörüşe yardam üçin çagırlıpdı.Orslar, Eyranıñ hayışını yerine yetirmek üçin
iki sanı uruş
gämini Esengula tarap yollayar.”(1)
Kümüş-depeli
Jafarbaylarıñ baştutanı “Aga han” Inglis diplomatı Jharlez.F.Mekenzi bilen
duşuşanda oña
Astrabatlı Şayılarıñ axunı molla Reza, türkmenleriñ garşısına dini
söweş“Jahah“ ığlan
edip, birnäçe gezek Astrabat goşunınıñ Etrek-Gürgene
tarap sürülmegini planlaşdırıpdır.(2)
Orslar
Hazar deñziniñ gündogarını, Esengulı, Çeleken we Gızıl-suwı basıp
alanlarından soñ, Köpet-dağ etegi bilen Mara tarap süyşmegi planlaşdıryarlar. Türkmenler ööz-erkinliklerini goramak üçin hem orslar hem-de
Eyranlılar we olara yardam beryän Inglisler bilen göreşmäge mejbur bolyarlar. Inglis
diplomatı Mekenzi, Eyrandakı ors konsulı Lijharov bilen
geçiren duşuşıgını şeyle
yatlayar:“ Lijharov, Esengulı we Kümüş-depe-de harbı karargahlar salıp, näçe gezek Kümüş-depäni topa tutupdırlar. Türkmenleriñ
gozgalañını basıp yatırmak üçin men konsula, ors eskerlerine partizanlık orş taktikasını öwretmägi we barikadalarıñ köpräk salınmagını maslahat berdim”.(3)
Eyranıñ goşunında harbı mugallım bolup iyşlän Fransuzlı general Bohler,
Kümüş-depeden,
Tehrana şeyle rapport beripdir:“ Ilki bilen türkmenlere duwz we nebit söwdasını etmegini gadagan edip, bu harıytları ööz elimize geçirmeli. 2-njiden
bolsa köp sanlı türkmenleri Eyranıñ pars oturumlı welayatlarına göçrüp, türkmen
topragına parsları getirmeli we olarıñ arasında biyr-biyri bilen öylenmegi
rowaçlandırmalı”.(4)
Şujagaz tarıxı faktlardan belli bolşuna görä, şol wagtıñ ulı döwletleri diñe milli baylıgımızı talamak bilen çäklenmän, eysem
olar bizi düyp-türşegimiz
bilen yok etmegiñ ugruna çıkanmışlar.
Inglis
diplomatı Mekenziniñ yazmagına göra Baklanda göçüp
gelenYomutlar,Astrabad häkimi Japargulı handan oturmaga yurt hem malları
öörmäge meydan sorayarlar, häkim olara Ak-galanıñ töwereginde oyurmaga ruğsat beryär.Türkmenler ol yerde
yaşap, maldarçılık hem-de ekerançılık edip başlayarlar. Eyran hökümeti
türkmenleri berk kontrol astına almak maksadı bilen, oları
barıp Säfäviytler döwründen bäri harbı gala üçin hayırlanıp gelyän Ak-gala
göçürmegi yüregine düwyär. Yomutlarıñ hanı Göki han ekilen yeriñ hasılını yığnamaga porsat dileyär, häkim
türkmenleriñ hayışına gulak asman 3 gezek ulı goşun toparı bilen olarıñ üstüne hüjüm etyär. 1-nji çozuşda ıyzına serpikdirlen Eyran goşunı, bu gezek 4müñ sanı atlı yarağlı goşun, 6
sanı pilomut we top yaragı bilen topulyarlar. Yomut,
Göökleñ halkı bir bolup, 7 günläp goşunıñ öñünde tap getiryärler, Eyran
goşunından näçe yüz sanı esker bilen 15-20 sanı komandiri heläk bolyar.(5)
Eyran
döwleti ööz basbaljılık siyasatınıñ dowamında ençeme gezek Garrı-gala,
Sarağta, Tejene
we Mara goşun süryär. Halkımız olarıñ şuwm siyasatlarının öñünde berk
duryarlar, emma uruş nıdama üstünlikli gutarmayar. Misal üçin 1877-nji yılda
Hurasan häkimi Abbas mürze Sarağıt galasında asuwda oturan Salır türkmenleriñ
üstüne çozup, galanı ööz erkine geçirmegi niyet etyär. Onuñ esası maksadı Marı
türkmenlerine haybat atmakdan ıbaratdı. Galada takmıyn 10 müñe golay iylat yaşayardı. Galanıñ 5 müñ sanı batır
yigidi ”Guşgı” türkmenleriniñ yardamı bilen Eyranlılarıñ öñünde duryarlar. Orslar bu
porsatdan peydalanıp, Türküstanı gol astına geçirmek maksadı bilen Hıwa goşun süryär.Hıwa hanı Mämedemin han täjini gutarmak üçin Eyran döwleti bilen
ılalaşıga giyrip, Gızıl-arbat we Gara-gumıñ içinden araçäk belläp, oları
Eyranıñ erkinde durmagını kabul etyär. Ol şeylelik bilen Eyranlılar bu
yerlere çozan mahalları, türkmenlerden arka çıkmajakdıgını boyun alyar.(6).
Abas mürzäñ yörüşleri
netiyjesinde 3 müñe golay türkmen esiyr düşüp Maşada
äkidilyär. Esiyr düşen türkmenleri gışıñ añzagında aç-yalañaç köçelerde entityärler,
olarıñ ölüm halında köçede serrelşip yatanına hatta Inglis
iylçisi G.Friseriñ rehmi iynip, birnäçesine baha töläp, azat etyär.(7)
1863-nji
yılda Eyran goşunı Mara tarap hüjüme geçyär.
Inglis diplomatı Arthur.K.Yeytiñ ayıtmagına görä şol yılın ğurban
ayında Tejenden aşan 40 müñ sanı eyran goşunundan diñe 8müñ sanısı Maşada
dolanıp bilipdirler, galanları bolsa Gowşut handır Nurberdi hanıñ yolbaşçılıgındakı söweşleri netijesinde heläk bolyarlar.(8) Başga bir ınglis diplomatı Grant Watsonıñ bellegine görä Eyranıñ baş weziyri Hajı mürze Hasan han Sepehsalar mekirlik bilen Marı türkmenlerini Eyrana
rayat etmek üçin giyzlinlikde Mara iylçi yollayar hem-de 20 sanı türkmen yaşullarını Tehrana çagıryar. Olar Tehranda Eyrana rayat bolmak hakındakı bir şert-nama gol çekmeli bolanlarında, Ors ilyçisi bu iyşden habardar bolup, oña garşi bolyar. Şeyle-de
bu diplomat Abbas mürzäñ ganlı yörüşi hakında öwgüli sözler ayıtyar:” Abbas mürzäñ ınanşına görä türkmenler yalı
basmaçılar medeniyetlı halklarıñ aralarında bolyan urş kadalarına däl, oları başardıkça öldürmeli”.(9)
Watsonıñ bu sözleri Amerikanlılarıñ Hollywoud-da yasayan filmlerini yadıña
salyar. Ol filmlerde Amerikan artistları Gizıl derileri yok etmek ugrunda ”jan
ayaman alada” etyärler.
Basıbaljılar ööz şuwm siyasatlarını amala aşırmak üçin halkımıza esas-sız töhmet urup,
oları basmaçılıkda garalayarlar. Göyä türkmenler Hurasandan esiyr alıp, oları
Hıwadır Buxara bazarlarında gul edip satyan ekenler. Beyle töhmetleri Eyranıñ
ööz tarıxçıları hem esas-sız bilyärler, bu barada birnäçe tarıxı faktlara göz
gezdireyliñ:
Eyranıñ baş
weziyri Ga-em mIkam bilen goşun başlıgı Emir nızamıñ arasındakı hat alşıkda, Sarağıt gala yörüşi hakında şeyle
maglumat bar:” Türkmenlerden köp olja ele geçdi, 2000 sanı at, 150 müñ goyun hem düye, köp mukdarda kümüş-şay, şal, halı, palas we 7 müñe golay esiyr aldık...”(10)
Inglisli
Games Moryeniñ yazmagına görä hökümetiñ diñe Hurasandan 200 müñ tümen
salgıt yıgnapdır. Beyle zuluma çıdamadık halk ayak aldıgından gaçıp, Hıwadır
Buxara sıgınyarlar, häkimler bolsa ööz kiyselerini doldurmak üçin”türkmenler
çozdular, Hurasan talandı...” diyip Tehrana yalan rapportlar yollayarlar.(11)
Eyranıñ baş
weziyrliginiñ gündeliginde bu barada şeyle maglumat bar:” haysı yıl Hurasan häkimi türkmenleriñ çozuşı hakında rapport bermändir,
geçen yıl göyä 12 müñ adam Hurasandan äkidilen eken. Bularıñ barısı oba
arçınlarından biyzara gelip öözleri türkmenlere tarap gidipdirler”(12).Eyranıñ
şol wagıtkı daşarı iyşler
weziyri mejlisde eden bir çıkışında “diñe türkmenler däl-de
eysem biziñ tarapımızdanam esiyr getirilyär”diyip ıkrar edipdir(13).Yene-de şol ağzalan
gündelikde berilen maglümata görä, Hurasana esiyr äkidilen türkmenleriñ ıkbalı hakında şeyle habar berlipdir:“ Abbas mürze, golı baglı bu
esiyrleri, elleri gılıçlı täsiypkeş şaylara tapşırıp, oları
dogram-dogram etdiryär.
Yeke
Eyran hökümeti däl-de Rus hökümeti hem barıp 1873-nji yıldan
bäri ıyzıgiderli halkımızıñ başına oyunlar gurap, oları ezip gelyär. General
Kaufmanıñ 1873-nji yılınıñ 10-njı June ayında Hıwa türkmenlerini elhenç öldürşi, 1878-nji yılın soñlarında Ermeni asıllı general Lazariyan(Lazarov), general-
Skobeleviñ 1881-nji yılıñ 12-nji Yanvarında Göök-depede azından 30 müñe golay
halkımizı gırşı we ondan soñra 1-nji jahan söweşi yıllarında, kommunist
gozgalañı yıllarında, içeri uruş diylip adlandırlan yıllarda,Irza
şadır Stalınıñ soy gırımı
yıllarında, 2-nji jahan söweşi yıllarında... bulardan mısallardır.
Orslarıñ Göök-depe,Eyranlılar bilen ortak iyş alıp barmagı we her
iki döwletiñ biyrigip, milletimizi yok etmekleri hakında köp sanlı arkiv
materiallar şayatlık etyär, bu barada yörüte bir iyş yazmalı.
Göök-depe
galası zabt edilenden 11 ay soñ Eyran, Rus döwletleri
1881-nji yılıñ 9-nji Desemberinde elhenç bir şert-nama esasında türkmen
topragını ööz aralarında paylaşyarlar. Eyranıñ arkiv materiallarında baglaşılan bu şert-nama ”baslıp alnan yerleri paylaşmak hakındakı Ahal şernaması”
diyip adlandırlıpdır.(14)
Basılıp alnan türkmen topragınıñ
parçalanmagı hakındakı
Eyran-Rus şertnaması
1881-nji
yılıñ 9-nji Deseberinde/1299-nji Hijri yılıñ baş- ayınıñ 29-ında Eyran tarapından daşarı iyşler weziyri mürze- Sayit han
Motemen-elmolk, Orslar tarapından bolsa yörüte bellenen
iylçi Ivan Zinoviyev basılıp alnan türkmen topragında araçäk bellemek hakındakı şert-nama gol çekyärler. Şeyle-de bu şert-namanıñ maddalarını dolı yerine yetirmek maksadı bilen 1894-nji yılıñ 9-nji
Novemberinde Aşgabada
gelen Eyran wekiyli Muhommetsadık han Emiyr Tümen, Rus
wekilleri bilen duşuşıp, bir ılalaşıga gol goyyarlar.Eyranıñ arkiv materiallarında saklanyan
bu tarıxı dokumentde 1881-nji yılın 9-nji Desemberinde gelnen ılalaşık esasında
Ruslar bilen Eyranlılar topragımızı şeyle paylaşyarlar:
1-nji madda- Hazar deñziniñ gündogarıda Eyran-Rus
araçägi şeyle
kesgiytlenyär:
Esengulıdan Çata çenli Eterk akarı araçägiñ belligidir, Çatdan
demirgazık-gündogara tarap, araçäk ugrı Soñi-dagı hem Seğrem-dagından geçip,demirgazıkda Çükgän galasında Çendir akarına barıp yeter. Bu
yerden demirgazıkda Çendir bilen Sumbar akarlarının arasındakı daglara
dogürlanıp, gündogara tarap, şol dagları iyzarlap,, Sumbara tarap gidip, Sumbar bilen
Aji-akyan akarınıñ biyrigyän yerine barıp yeter. Bu yerden gündogara ta Dayna
metjiydiniñ harabalarına çenli araçäk, Sumbarıñ deryası bolar. Daynadan Köpet-daga
çenli içeri tarap uzanan bir yol araçäk belligidir.
Bu
yerden, araçäkbelligi Köpet-dagıñ yanı bilen
siyrıgıp,günorta-gündogara tarap uzar, Germap deresine yetmänkä günorta tarapa
aylanıp, Sumbar bilen Germap arasındakı dagların örküjünden geçip, günorta-gündogara
tarap uzanıp, Meysene we Çöp-best daglarnın üstünden aşıp,Robatıñ1,06 KM demirgazıgında Germapdan Robata baryan yola biyrigyär.Bu yerden araçäk belligi
dagların örküjünden aşıp, Dalança dagınıñ örküjünden hem geçip, Hayrabad
galasınıñ demirgazıgından geçip, demirgazık-gündogarda Göök-gaytal golayına
yetip, ondan Pöwriyze akarlarınıñ gözbaşina gönükdürlip,ol yeri, Pöwriyze obasınıñ demirgazıgında kesyär.Bu yerden dmirgazık-gündogarda araçäk belligi
günortalıkda yerleşen
Aşgabat-Pöwriyze arasında yerleşen daglarıñ örküjüne ugrukdırlyar. Araçäk belligi bu yerden aşıp, gündogara tarap
uzanıp, Aslama-dagınıñ iñ demirgazık belentliginden geçip,günorta-gündogarlıkda
bu dagdan aşıp, Kelete-çınar obasınıñ demirgazıgından aylanıp, Ziyrkuh bilen Gızıl-dagıñ
çatılışyan yerine
barıp yetyär. Bu yerden araçäk belligi
günorta-gündogarlıkda Ziyrkuh dagınıñ örküjünden geçirlip, Baba-durmaz akarınıñ
geçyän deresine barıp yetyär. Bu yere barıp yetenden soñ demirgazıga tarap
uzanıp,Baba-durmaz galası gündorgarında galmak şerti bilen, Gäwürs-Lutof-abad arasındakı yola barıp yetyär.
2-nji Madda:
Her
iki döwletiñ bellenjek yörüte wekiylleri, bellenen araçäkde bellikler oturtmak
üçin araçäge barıp edil bellenip geçilşi yalı nIşanalar oturdarlar. Bu iyşiñ wagtı we her iki döwletiñ kommiserleriñ duşuşjak yeri belli edilmeli.
3-nji madda:
Germap
we Gulgulap obaları, Türkmenistan jülgesinı suwaryan akarnıñ
demirgazıgında yerleşyänleri üçin, Eyran döwleti bir yılıñ möhletinde bu
obaları boşaldar.
Eyran bu möhletiñ içinde ööz rayatlarını alıp gider, Rus
döwleti boşaldılan obalara türkmen göçüp gelmegini gadagan edip, ol yerlerde harbı
bena salmaz.
4-nji madda:
Türkmenistanı suwaryan Pöwriyze
we beyleki akarlarıñ gözbaşınıñ Eyranda bolanı üçin, Eyran döwleti bu
akarlarıñ kenarında täze obalarıñ benna edilmegini gadagan edip, ekiş meydanlarını köpeltmän, öözlerine gerek bolan suwlardan köp mukdar
almajakdıklarını boyun alyarlar.
5-ni madda:
Türkmenistan
bilen Hurasan arasında söwda meselesiniñ ösmegi üçin her iki döwlet
gatnaw yolları abadanlaşdırmak ugrunda bir karar almalı.
6-nji madda:
Eyran
döwleti Astrabad we Hurasan etrabından her hil
yaragıñ yurt daşına çıkarılmagınıñ öñüni alar, şeyle-de Eyran çägine düşen
türkmenlere ok-yarag yetmeginiñ öñüni alar. Eyran döwletiniñ bellän serhet
gawulları bu hakda orsyet tarapından ugrın yarag söwdasını
etyän adamlarıñ öñüni almak ugrunda etyän aladaları bilen ortak iyş alıp bararlar.
7-nji madda:
Bu
şert-namanıñ maddalarınıñ dolı yerine yetirilmegi we serhediñ
golayında yaşayan
türkmenleriñ hereketlerini kontrol etmel üçin, Orsyet döwleti, Eyran serhedine
garawul bellemäge haklıdır. Bellenen kişiler, basılıp alnan
topraklarda asuwdalıgı goramaga iki döwlet tarapından dolı ığtıyarlıdırlar.
8-nji madda:
Gelnen
bütin kararlar we ılalaşigıñ şertleri ööz güyjünde saklanyar.
9-nji madda:
Bu
şert-nama iki nusgada yazlıp, iki döwletiñ
weziyrleriniñ golı we möherleri baslıp, Orsyet we Eyran patışaları tarapından tassıklanar. Tassıklanan şert-nama 4 ayın-hatta
ondanam çaltrak wagıtda- Tehranda her iki döwletiñ weziyrleriñ arasında
çalşırlar.
Tehran:
9 Desember 1881 22 Mäherrem
1299
Zinoviye
- golı
Mürze
Sayid han - golı
Bu
şert-namanıñ 2-nji maddasını yerine yetirmek üçin 1885-nji yılıñ
April ayında iki döwlet arasında bir protokle gol goylup, Baba-durmaz galasınıñ
harabalıgından tä Esengulı aylagı aralıgındakı araçäge bellik oturtmak üçin
Eyran tarapından Suleyman han Sahipixtiyar we Orsyet tapından bolsa polkovnik
Nikolay Kormin Garabayev bellenyär. Şeyle-de Çekişlerde gol çekilen bir ılalaşıkda Etrek akarınıñ aşakı akımından tä Esengulı aylagı
arasındakı araçäge bellik oturtmak üçin Eyrandan polkovnik-inginyer mürze
Ali-eşref han,
Rus kommiserleri bilen duşuşyar we araçägiñ geografik kartası 1:84000 möçberinde
çızılyar.
Araçäk
hakında baglaşılan protokollarıñ dowamında Pöwriyze we Hasar hakında üçin 1893-nji
yılıñ 27-nji Mayında Tehranda Baş weziyr mürze Alı-asgar han
Eminolsoltan bilen orsyediñ dolı ığtıyarlı iylçisi Potzov bir
ılalaşıga gol goyyarlarIlalaşıkda şu maddalar yerleşdirlipdir:
1-nji madda:
Eyran
patışası öözi hem-de miyrasdüşerleri tarapından serhet
gırasındakı Pöwriyze obasını we 1881-nji yılda ılalaşilan yerleri, serher dagından ”Biyz” derä çenli uzayan toprakları, alıhezretler Ors patışasınıñ erkine beryär. Şeylelik bilen 1881-nji yılda gelnen ılalaşıgıñ bu
yerlere degişli
madası yatırlıp, beyleki maddalar el degrilmän saklanyar.
2-nji madda:
Alıhezert Orsyet patışası öözi hem-de miyrasdüşerleri tarapından Hasar obası
hem-de onuñ töweregindäki Hasar we Şilgan akarlarını, obanıñ
gündogarındakı degirmene çenli tä obanıñ ileri yüzündäki Zeññanlı töweregini
Eyrana beryär.
3-nji madda: Ilalaşıgıñ bu maddası Azarbayjan serhedine
degişli bolanı üçin beyan etmedik.
4-nji madda:
Iki
döwlet tarapından bellenen wekiyller Pöwriyze we Hasar etrabınıñ
araçägi ol yere barıp dolı we dogrı bellemeli, almalı yerleri alıp, bermeli
yerleri berip, serhet belligini oturtmalıdırlar.
5-nji madda:
1881-nji
yılıñ 9-nji Desemberinden, gündogara tarap, basılıp
alanan topraklarıñ Rus-Eyran araçägi şeyle kesgiytlenyär:
Araçäk
belligi Baba-durmazdan, Ziyrkuh-dagınıñ örküjünden
geçip, günorta-gündogarda Hayır-abad obasına gönükdürlip, oña yetmänkä, Durun
deresiniñ çep kenarından geçip, Mir galasınıñ gayra yüzünden aylanıp, Durun
akarınıñ sag yanını siyrıp, Göökleñ we Şor-gala obalarından geçip,gayrak
aylanıp, Lotef-abadıñ aşak we gayra tarapından we Küren obasınıñ ileri yüzünden aylanyar. Soñ,
günorta-gündogarda Şilgan obasını aylanıp, günorta tarapa aylanıp, Şilgan we Mäne obalarınıñ ortarasından geçip, Hoşaba belentliklerine çenli dowam yetip, Şilgan
obasınıñ daşından aylanyar. Araçäk belligi bu yerde şeyle kesgiytlenyär: ilki
Hasar-Şilgan akarlarınıñ gıralarından geçip, soñ şol akarlarıñ sol kenarına barıp yetip, günorta-günbatarda ulı gädigiñ arası bilen
günortalıkda Zeññanlı çayına yetişyär we 3 KM geçip, Gozgan obasından, günorta-gündogara tarap çekilyär Etek
obalarının iñ ileri tarapından geçip, Tejen deresine tarap uzanyar, soñ serhet
belligi gündogarda Tejen deresinden, günortalıga aylanıp, Gowşut galasınıñ harabalıgından, Tejen deryasına barıp yetyär we ol yerden
Owganıstanıñ serhedi bolan Zulpıkara barıp yetyär. Agzalan yerleri alıp,
berilenden soñ, iki döwletiñ kommiserleri serhet belliklerini araçäge barıp
oturdarlar.
6-nji madda:
Şu ılalaşigıñ iki döwlet weziyrleri aralarında gol çekilenden bir
yıla çenli Eyran, Rus döwletleri Pöwriyze we Hasar obalarının iylatını boşadıp, oları degişli bolan yurde bereler. Her iki döwlet agzalan obalarda harbı galalar bena etmeli däl we ol yerlere türkmen göçürüp getirmeli
däldirler.
Bu
ılalaşiga gol goylandan soñ, Eyran tarapından Muhommetsadik han Emir nezam,
Emir tümen,
Rus wekilleri bilen iyşleşmäge bellenyär we şert-namanı dolı düşünmek üçin 1984-nji yılıñ January
ayında Hasar obasında bir protokola gol çekyärler.
Şeyle-de gol çekilen Hasar protokolıñ ıyzından iki sanı
ılalaşıga gol çekilyär, olarıñ birinjisi Aşgabatda 1894-nji yılıñ 8-nji
Novemberinde, 2-nji bolsa şol yılın 9-nji Novemberide-dir.(15)
Eyran
tarıxçıları şert-nama baglaşılan mahalı
orslarıñ oları aldandıklarını öñe süryärler. Oların ayıtmaklarına görä, göyä
ruslar Eterk akarınıñ yerine Bir-az günortalıkda duran Musa han akarını serhet
kommiserlerine görkezipdirler. Esasan serhet meselesiniñ çözülmedik punktları
soñkı döwürlere çenli dowam etyär.
Araçäk kesgiytlenden soñ
Türkmenleriñ hal-yağdayı
Araçäk
kesgiytlenip, garawullar oturdılandan soñ, türkmenleriñ
durmuşında bir topar garaşılmadık yagdaylar döräp başlayar. Etrek-gürgen
türkmenleri Orsyede tabıyn edilip, ööz tiyredeşlerinden juda edilyär.Eyran häkimiyeti bolsa
ähli Yumutları-hatta orsyede tabiyn edilenleri- ööz rayeti
hasaplayardı.Türkmenler yılıñ 6 ayını Etregiñ gayra tarapında gışlasalar, galan 6 ayını bolsa Gürgende yaylayardılar. Ors serhet komiseriniñ tassık edişi yalı:”Biz bu yerleri basıp almağmızdan ozal, beyle göçüp,gonmalar
bardı...Araçäk kesgiytlenenden soñ olar iki döwlete salgıt tölemeli boldular,
oların iki yurde boyun edildi we beyle yağday olarıñ sojial durmuşına
uygun däldi.Beyle böölünşük Orsyediñ bäbiydine bolup bilmez diyip guman edilyär, sebäp türkmenler
ööz erkinligini gazanmak ugrunda ayaga galıp her iki
döwlete-de salgıt bermekden boyun gaçırıp bilerler”.(16)
Serhet
kontrolı güyçlenenden, ozalkı bar bolan söwda argatnaşıgına
gatı zarba iynyär. Öñler Balkan türkmenleri Kümüş-de we Hoja-nepese gelip arzan bahadan çay,
kand,tüwı,uwn,nebit we mata satın alyardılar, iki türkmeniñ
arasında gümrük tölegleri yokdı.Emma araçäk kesgiytlenenden soñ her iki döwlet
ööz serhetlerinde gümrük postlarını döredip, harıyt mallara agır salgıtlar
bellediler. Beyle yagday giyzli söwda iyşlerine yol açdı.
Türkmenleriñ
araçägi äsgermejekdigini gören her iki döwlet çäräni gutarıp,olarıñ Etregiñ iki yanına etyän yaylağ-gışlağ
hereketleri üçin Yağlı-ulum,Kööne-kesiyr,Gızıl-ımam,Çatlı,
Soñı-dagı,Göwdan,Kaka,Pöwrize we Hıywa-abad yalı yerlerde geçelge nokatlar
belleyärler.
Eyran
döwleti, Maşada äkidilyän harıytlara agır salgıt belleyär.Kaka geçelgesiniñ
komiseri yüzbaşi
Seyitnazar Halık oglunıñ bellemegine görä, ”Eyranlılar 1884-nji
yılda türkmenleriñ her bir harıyt malınıñ 20-den bir bahasını salgıt hökmünde
alyardılar.Sığırdan 40 kopek,goyundan 10 kopek, yılkıdan 5 ğıran(2 rubl),
taydan 10 Gıran,yüpek we yüñ matalardan 40-dan bir basını salgıt hökmünde
alyardılar. Salgıtlarıñ mukdarını Deregez we Kelatıñ häkimleri
kesgiytleyärdiler”.(17)
Orsyet
grawulları bolsa gışlak üçin balkan tarapa iydilyän süri goyunlardan “paç”
alyardılar, her 100 goyundan 5 rubl, pulı bolmadıklardan iki
goyun alınyardı.Grawullarıñ esası aladaları türkmenleriñ giyñ möçberde yaragdır
partlayjı maddalar geçirmeginiñ öñüni almakdan ıbaratdı(her kişiniñ ööz goranma yaragıñi daşamaga
ruğsat edilyärdi)
Araçäk
gesgiytlenenden soñ her iki döwletiñ türkmenleriñ garşısına alıp baryan siyasatları düypli özgerüp başladı.Orsyet döwleti ööz düzen kanunlarını amala aşırıp, gümrük postlarınıñ
harıyt mallardır,sürilerden Paç-salgıt yıgnamagı ugrunda agır alada giyryär.
Beyle yagday köp sanlı türkmenleriñ orsyetden gaçıp,Etrek türkmenleriniñ
aralarında yaşamaga
alıp bardı.1898-nji yılda yaylan bir rapporta görä
Garrı-galadan 20 sanı serdar ööz tiyreleri bilen Maşada we 1500 öyli Yomutdır Göökleñ
türkmenleri ilerik göçmek üçin beriljek signala garaşyardılar.Rus serhet komiseriniñ 1900-nji yılda beren bir habarında şeyle diyilyär:”Jafar-baylar,
ilerik göçmäge gatı höwesli, şu yılda 60 öyli Jafar-baylar Etrege
göçdüler.Olarıñ göçmeginde Astrabad häkiminiñ biziñ yöretyän kanunlarmızıñ
garşısına yayratyan propagandaları täsiyrlı rol oynayar”.(18)
Şeylelik bilen Hazar ötesi ülkede yaşayan türkmenler Orsyede tabıyn bolmagı islemän, porsatdan peydalanıp, Etrege tarap göçyärdiler. Bu
türkmenler Eyran çäginde-de dürli zulumlardan amanda däldiler.Eyran hökümeti
Orslar bilen ortak bir siyasat esasında
türkmenleri horlap başladı.Eyran patışası Nasert-din şa, orslarıñ Göök-depäki üstünliklerini!! gutlap olara gutlağ telegammadır yörüte iylçi yollayar.
Araçäk
kesgiytlenenden soñ, Eyran döwleti Etrek-Gürgen türkmenleri boyun egdirmek üçin
ol yere goşun çekip başlayar.Türkmenler 1881-nji yıldan soñ resmen
Eyran rayatı hasaplansalarda olar:”hiyç bir eyranlı boynı yüpsiz golı bağlı bolmadan türkmen topragından geçen däldir” diyip büysanyardılar.
20-nji
asırıñ başlarında Etrek-ğurgen türkmenleri erkinlik
gaznmak ugrunda ayaga galyarlar.Bu yagdayı basıp yatırmak
üçin Astrabat häkimi tiyre-taypalarıñ arasındakı agzalalıgı
güyçlendiryär,Ata-bay,Jafar-baylara, Yomut,Göökleñe garşı ok açıp başlayarlar.Jafar-bayların baştutanı bir mahallar Eyrana yagı bolup,soñ Astrabat hökümetine gulluk eden
Hajımuxommet Pañ bolsa, Ata-baylarıñ başlıgı 1980-nji yılda Balkandan
Etrege göçüp gelen we Eyran döwletiniñ gullugında duran Musa handı.Bu
jenjellere soñlar axunlar hem goşlup, Ata-bay, Jafar-bay arsında dini söweşi yaybañlandıryardılar
Orsyediñ
Astrabatdakı konsulınıñ tassık edişine görä Eyran döwleti köp yıllardan bäri türkmenleriñ oturan topragında höküm yöredip bilmän
gelyärdiler.Olarıñ permanları diñe topragıñ iñ ileri yanı yağnı Gara-suwa çenli yöreyärdi, ondan gayrada hiyç kim häkimiñ permanına
gulak asmayardı.Astrabad häkimi kä bir türkmen han-beglerini sowgat-serpay
bilen hökümete boyun bolmaklarını gazanıp bilipdi.Şeylelik bilen salgıtdan boşadılmak, yıgnanan salgıtlardan pay almak we başga serpaylar sebäpli kä bir
türkmen han-begleri Eyrana boyun bolup ugrayarlar.Bu yağdayıñ durmuşa
geçmeginde orslar gatı tağalla sarp etyärler. Kümmet-gabusdakı Rus-Eyran
kommiserler merkezi guralyar.Emele gelen yagdaydan peydalanan Eyran häkimiyeti
türkmen topragında telegraf we gümrük edaralarını salıp başlayarlar.Dörän yagdaylar esasında barıp 100 yıldan bäri hiyç bir Astrabat häkiminiñ ayagı yetmedik
Gürgen jülgesine ilkinji gezek ayak basan häkim Omiyd-eddöwle,1900-nji yılda
Göökleriñ garşısına söweş alıp baryan Yomutları yığnap, Ak-galadan başlap
Göökleñleri horlayar we olardan salgıt yıgnayar.
Göökleñler hem orslarıñ hem-de parslarıñ gısışı astında olara joğap gaytarıp bilmeyärler.1903-nji yılda türkmenler Hoja-nepesde bena edilen Eyanıñ
gümrük-hanasını yıkyarlar. Ayaga galan halkı ezip horlamak üçin her iki döwlet
täze karar alyarlar. Orsyediñ Tehrandakı iylçisi tarapından bir perman
yayradılıp,Eyran döwletine garşı göreşen türkmenleriñ serhetden aşıp Balkana gitmeginiñ öñüni alınjakdiği bildirilyär.
Kümmetde
yerleşen ors goşunı Eyranlılarıñ erkinlikde türkmen topragında iyş alıp barmagına yardam etdi.Dura-bara pars iylat türkmen topragına göçürlüp
getirildi we türkmenler boyun edilyär.
1905-nji
yılda Orsyetde dörän konstitusyon gozlañı netiyjesinde
Eyranda hem milli azat-ediş herketler başlanyar.1906-nji yılıñ 9-nji Septemberinde Eyran patışası Mämedalı şa
yurtde mejliys we saylaw kanunına gol çekyär.Emma bir-az wagıt
soñ ilkinji mejliysi topa baglap yurtde diktatura rejim döretmegi isleyän şa, halkıñ gahar-gazabına çıdaman yurdi terk etyär.1911-nji yılıñ Septemberinde
emele gelen yağdaydan
peydalanıp, elden beren täjini gaytarıp almak isleyän şa, gıssanan çağları türkmenlere sıgnan ozalkı şalar yalı, Kümüş-depe gelyär we turkmenlerden
haray sorayar.Emma ne türkmen han-begleriñ yardamı, ne-de daşarı yurtler yardamı diktaturı gutarıp bilmeyär.
1916-nji
yılda dünyäde bolup duran 1-nji jahan söweşinden,Eyranıñ demirgazık welayatlarınıñ oreslarıñ tarapından baslıp alnan we yerli
häkimleriñ güyç-kuwatdan düşen yagdayından peydalanan türkmenler açıkdan açık ööz yaşayan topragında erkinlik ığlan etyärler.Ors siyahatçısı G.F.Çeyirkin
1916-nji yılda Etrek-Gürgen türkmenleriniñ arasında bolup, olarıñ erkinliginden
we Eyran hökümetine salgıt tölemeyänleri hakında bildiripdir.
1916-nji
yılıñ 25-nji June ayında ors tezarı söweş meydanları üçin esger yıgnamak permanını jar etyär, bu permana görä 19-24
aralarındakı bütin orta asialı yigitler söweş meydanına gitmeli
diyilyär.Bu zalım permana garşı türkmenler ayaga galyarlar.Permana görä häzirki
türkmenistanda 15 müñ adam şol sandan Marıdan 5 müñ,Tejenden 2300,Aşgabatdan 2500,Şagadamdan
1960 we Müñ-gışlakdan 3240 adam söweşe çagırılyar.Türkmenler
bu permana gulak asman rus hökümetine garşı ayaga galyarlar. Şol yılıñ 15 we 16-nji August ayında Etrek türkmenleri Çekişlerde yerleşen Gurban
kez harbı başlıgına garşılık görkezyärler.Türkmenler zora dayanıp
esger yıgnajak bolan saldatlara tarap ok açyarlar, 2 saldat ölüp, 3 sanısi
bolsa yaralanyarlar, türkmenler Çekişleriñ telefon siymlerini kesyärler. Bu wakadan soñ 2
müñe golay türkmen maşgalasıEtrege göçmäge mejbur bolyarlar.
Barıp 1907-nji yıldan bäri orsyet döwleti edil orta asiada edişi yalı Etrek-Gürgende hem täze bir rus kloniyasını döretmek maksadı bilen
orsyetden, Volgadan we demirgazık Gafgaziyadan Gürgen-Gara suw arasındakı
mes-mele topraklı ekeran yerlere
göçürüp getiryär we oları goramak üçin harbı goşun toparlarından peydalanyar.1914-nji yılda Etrek-Gürgende 2 müñ we Astrabat
etrabında 200 öyli göçrülyär. General Laurovıñ bellemegine görä diñe 1913-nji
yılda 700 sanı ors göçrülyär.(19)
Türkmenler
ap-äşgär orslara garşı gozgalañ turuzyarlar, sebäp olarıñ bu zalım
heketleriniñ maksadından habardardılar.Yürkmenlere baştutanlık eden Babgılıç, Şiyxı- han Düyeji Esen han, Mergen Arçın orslar bilen diyş-dırnak bolup göreşyärler, orslarıñ harbı we beyleki benalarına agır zarba uryarlar,
orslarıñ ulı harbı kerwönlerine hüjüm etyärler.
Gürgen
türkmenleriñ gozgalañı möwç alyar, Balkan türkmenleri yardama gelyärler,
Göökleñler gozgalañçılara esger beryärler. Bu gozgalañı basıp yatırmak üçin
general Volkovnikov 1916-nji yılıñ Desemberinde modern yaraga beslenen 6 ulı
goşun ateryad, şeyle-de
15 atlı topara general Madritov baştutanlık edip rehimsizlik bilen türkmenleri gıryarlar, mallar talanyar yurtler
weyran edilyär.Bu yagdaya Eyran hökümeti garşılık görkezmen, tersine
orslarıñ,oları türkmenlerden goranı üçin begenyärler we ööz rayatları diyip
salgıt yıgnayan halkını orslardan goramayar.
1917-nji
yılda orsyetde kommunistlar gudratı eyeleyärler.
Öözlerini adıl bir düzgüniñ goldawçıları diyip bogaz yırtan kommunistlar hem
edil ozalkı başibaljılık siyasatını üytgetmän dowam etdiyärler, bular-da halkımızıñ başından
bela bolup iynen araçäk meselesini dolı suwratda resmiyete tanayarlar.
Kommunistlar hatta kelam agız araçäk bellenmek sebäpli ayra düşürlen milletleriñ ajı ıkbalları hakında söz etmediler, tersine 1921-nji yılıñ 26-nji
February ayında Moskovada Eyranlılar bilen dostlık ılalaşıga gol çekdiler.Bu
ılalaşıga Eyran tarapından Alıgulı han Muşaver-elmolk, Orsyet tarapından bolsa Georgi V.Çiçerin bilen birlikde M.Gara han gol
çekipdirler(20). Gelnen ılalaşıkler netiyjesinde serhet problemleri yene-de
jeddi meselä öwrülyär we oları çözmek üçin birnäçe protokola gol goyulyar.
Baglaşılan bu şert-namanıñ iki
sanı möhüm punktlarını okıjılarıñ dıgatına
yetiryäris:
3-nji madda:
Her
iki döwlet 1881-nji yılda gelnen araçäk ılalaşıgını dolı gabul etyärler. Şurevi döwleti Tezarlarıñ basıbaljılıklı siyasatlarını ret etyänleri üçin oların basıp alan
Hazar deñzindäki Aşır-ada we beyleki adaları Eyran döwletine gaydıp beryär. Şeyle-de 1893-nji yılıñ 28-nji May Ilalaşıgında Orsyede berlen Pöwriyze we onuñ
töweregindäki yerleri, Eyrana gaytaryar.Eyran döwleti Köne Saragıt we onuñ
yanındakı akar we ekeran yerleriñ orsyet erkinde durmagına razı bolyar. Her iki
döwlet Etrek we serhet yakasındakı beyleki akarlarıñ suwlarından deñ derejede
peydalanarlar.
11-nji madda:
Şurevi döwleti, Tezarism siyasatını yazgarmak bilen
barıp 1828-nji yılıñ 10-nji Februarysında baglaşılan Türkmen-çay ılalaşıgı
esasında Eyranıñ harbı gämileri Hazara giyrmegi gadagan edilmegini ret etyär we
munda buyana her iki döwletiñ gämileri ööz baydakları astında Hazar deñzinde
gatnap bilerler.
Serhet
yakalarındakı akar suwlarından nähiyl peydalanmagı hakindakı
şert-nama
1926-nji yılıñ 20-nji February ayında Eyran wekiylleri Ahmad
Mo-äzzemi, Hamis Sayyah, Ahmad- han Mäsumhanı Şurevi wekiylleri Alexander Feodroviç, Ivan
Aristoviç German şeyle ılalaşıga gelyärler:
A.
Tejen akarınıñ suwı 10 böölnüp, 7 bööleginden Şurevi,
3 bööleginden Eyran peydalanmalı.
B.
Çäçe akarınıñ suwundan iki tarap deñ peydalanmalı.
J.Mäne(ozalkı adı Garatiken) suwundan deñ paydalanmalı.
D.Kelete
çay(Nefte),Ärçeññan, Layın-suw akarlarında deñ
peydalanmalı.
E.Gozgan
çay(Zeññanlı) akarınıñ suwı
5 böölnüp ,
3
bööleginden Şurevi, 2 bööleginden Eyran peydalanmalı.
F.Çendir
we Sumbar(Gulan suwı we Dayna çeşmeleri)
akarlarından deñ
hayırlanmalı.
G.
Pöwriyze akarından pöwriyze obası peydalanmalı.
H.
Etrek akarıdan deñ peydalanmalı.
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
Bellenen
araçäklerdir serhet garawulları kontrolı, halkımızı gısıp
saklap başarmadı. 1917-1924 nji yıllar arasında kommunistlara garşı bolanlar, soñ bolsa
kolhoz gurulşık yıllarında, topar-topar türkmenler, araçägi bozup, Eyranda,
Owganıstanda yaşayan
doganlarınıñ yanına sıgındılar. Bu hereketler 1945-nji yıllara
çenli dowam etyär.
1917-1925
nji yıllar aralarında Eyranlı türkmenler ööz-erkinlik
ugrunda diyş-dırnak bolup, merkezi hökümete garşı gozgalañ göteryärler.Gozgalaña baştutanlık eden Osman-axun,ähli türkmen tiyrelerini birikdirmegi başarıp, 1924-nji yılıñ 20-nji Mayında erkin türkmen jemhuriyetini gurmagı
başaryar. Irza
han Eyranıñ baş weziyri we goşun başlıgı hökmünde 1925-nji yılıñ Oktoberinde Türkmensähranı
basıp alyar, obalar odlanyar, ülkede gan çaykalyar.Köp sanlı türkmenler
serhetden aşıp, Garrı-gala, Gızıl-Etrege,Esengula sıgınyarlar.
1936-nji
yılda Eyranıñ serhet garawulları, Türkmensähradan köp
iylat açlık-horluk sebäpli, Türkmenistana sıgınyanları hakında Tehrana rapport
beripdir.Bu hakda goşmaça böölümide arkiv dekumentleri getirdik.
Araçägiñ
iki tarapında oturan türkmenler 37-nji yıllara çenli gatnaşıp
bilipdirler. Aşgabatda
yaşayan yaşulı medisin doktorı Abdıraxman Abdılla oglı Axundov bu
barada şeyle
gürrüñ berdi:” Soñkı gezek 1937-nji yılda Atam Rejep axunıñ aradan
çıkanını eşdip,
Kümüş-depä gitdik, şol wagıtlar serhediñ iki yanındakı garawullar elimize bir
böölejik kagaz berip, şol ruğsat hat bilen gelip, giderdik.”
Araçägiñ
iki yanında yaşayan türkmen topragında dürli siyası
wakalar sebäpli berk kontrol edip, doğanı, doğandan ayra salyarlar. Eyranda
gurlan kommunist ideologiya gulluk
etyänTuda partiyasına goşlup, türkmenleriñ haklarınıñ goragına
çıkan türkmen aktivistlar, 1949-nji yıllarda bu partiya patışa tarapından gadagan edilip, aktivistları ıyzarlanıp başlananda, onlarça türkmen
intellegentleri, ööz çagalarını taşlap, Türkmenistana sıgındılar.Merkezi hökümet bu yagdayı göz-öñüne alıp, türkmen topragında
berk harbı düzgün giyrizdirip, ädim-ädim jandarma postlarını döretyär. hatta
serhet yakasındakı zıyarat jaylaradır, obalara barmak üçin jandarmadan yörüte
hat alıp, barjak öyüñ eyesi bolsa geljek adamlarıñ adlarını yerli jandarma
postına bildirmeli boldular.
Türkmenistan
jemhuriyetinde Stalinıñ alıp baran ganlı terror siyasatı astında halkımıza
agır zulumlar edildi.Halkımızıñ wepalı ogulları Gaygısız Atabaydır Nedirbay
Aytaklar atılıp öldürüldi, topar-topar ınsanlarmız zındana dıkıldı ya-da sürgün
edildi, milli baylıgımız talandı, tarıxı yädigärliklermiz, ziyarat jaylardır
öwülyaçılıklar yıkıldı, serhet yakasındakı obalar boşadıldılıp, weyrana öwrüldı, ene dilimiz we milli medeniyetimize agır
zarbalar uruldı.
Doganı, dogandan juda etmek siyasatı tarıxımızıñ iñ ajı sahıypalarındandır.
Aragatnaşık kesilenden soñ köp trajedik wakalar yüze çıkyar.Yaş gelinler yan yoldaşlarından, körpe çagalar, neresse balalar ene-atalarından maxrum bolup,
ölyänçäler zarıynlap geçdiler, Ene-ata, ayaldogan, biyri-biyriniñ diydarına
hasrat galdılar. Esengulıda, Eyranıñ Gürgen radiosından ööz hostarlarınıñ
adlarını eşider
oy edip, ölünçäler radionı diñläp ömür geçirdiler. Gızıl-Etrekde, araçägiñ ol
yanında Daşlı-brunda ölen doganınıñ jaylanıp duranını gözi bilen görüp, emma yasa
barıp bilmäni üçin içi-bağrı gan bolup tütäp galyar. Jergelanıñ serhet
yakasındakı obalarda, orak orlup yören mahalı, serhet garwulları düşünmez yalı aydım bilen dogan-garındaş biyri-biyrleriniñ adlarını tutup”
Pılan agam ölümi ya diyri” diyip habar alışmalı boldılar. Hoja-nepesde bir yaşulı ölmeziniñ öñ yanında:” yüzümi Gayrak edip jaylañ” diyip wesyet
edipdir. Ol bende tä ölünçä Gayrada galan uyasınıñ zarını çekip, axırı hem
görüp bilmän yagtı dünyä bilen hoşlaşyar.Bular yalı edilen
jenayatlar sanardan gatı köp.Bu zalımlar hatta iki doganıñ hat alışmagını hem gadagan etyärler.
Eyran
döwleti türkmenleriñ garşısına şaunistik siyasatı amala aşırmak üçin
Gürgen radio stansiyasını yola goyyar.Serhet garwullar pars we ors milletlerinden
bellenyär.Türkmenistanda kimde-kim bir iyşe alınjak mahalı, oña:”daşarı yurtde dogan-garındaşıñ barmı” diyen soragı beryärler.Bolayan
yagdayda-da ”yok” diyip joğap bermese eyyam dönük tagması uruljagı
iki-ujsızdı.
Şaunistik siyasatını düypli amala aşırmak üçin her iki döwlet adam we
yer-yurt adlarını üytgedip ugrayarlar. Eyranıñ dogum şahadatnama beryän(sejil)
edarası ne gözek türkmen adlarını masgara görnüşünde yazdılar, olar munuñ bilen çäklenmän kä yerlerde adları terjime edip meselem
Altı adını parsça şeş Baryamı, Bähram... diyip yazdılar. Köp sanlı obadır şäher adları pars ya orslaşdırıldı. Meselem:
Gürgen
Kümmet-gabus
Ak-gala
Pählevi-dej
Kümüş-depe
Gomişan
Ay-derwüş
Kelale
Omçalı Benavär
Esengulı Gasangulı
Gızıl-suw Krasnovdsk
Garrı-gala Kari-kala
Aşgabat
Paltaratski
Kaka
Gahgah
Marı Merv
Saragıt Saraxs
....................................
Aragatnaşıgıñ kesilmegi hem
siyası hem-de ıktısadı taydan halkımiza agır urgı bolyar.1935-nji yıllara çenli
Etrek-Gürgen söwdigärleri Hıwa, Buxara,Aşgabat,Astraxan we Bakuw yalı tejarı merkezler bilen söwda etyärdiler.Araçäkler berk kontrol
bolandan soñ türkmenleriñ öönderyän mataları bazarlara giyrmän, yerine parsdır
ors söwdigärleri türkmen topragına aralaşıp, halkımızıñ milli baylıklarını
talap başlayarlar,
halkımız maddı taydan agır yagdaya duçar bolyar. Türkmen
milli burjvaziyasınıñ ösmegine päsgelçilik döreyär. Esasanam bu mesele
Türkmenistanlı söwdigärlerine agır zarba bolyar. Eyran çäginde yaşayan türkmenler soñkı döwürlerde kapitalist sistemi yöredileni üçin kä-bir türkmen
baylarınıñ merkezi bazarlara ayaklarınıñ açılmagına alıp geldi.
Yene şert-nama, yene böölünşik
2-nji
jahan söweşi gutarıp, gızıl-goşunıñ Eyranı terk etmegi bilen
ejiyz düşen Eyran
hökümeti bu gezek Amerika we beyleki günbatar yurtleriñ hemayatına dayanıp, täzeden serhet meselesini ara atyar. Tehranda çap bolyan
Ittila-at gazati 1955-nji yılıñ oktober ayı 8797-nji sanında araçäk meselesi hakında şeyle habar beripdir:”Araçäk meselesi ugrundakı topar, polkovnik Jahanbanınıñ baştutanlıgında Oktober ayınıñ başlarında Goçana gelip,ol şäheriñ gubernaturı bilen serhet
golayındakı Lutf-abada tarap ugradılar”. Şeylelik bilen serhet meselesi gaytadan ara alnıp maslahatlaşılyar we täze şert-namalar baglanyar(21).
Eyranıñ patışası M.Reza Pählävi yurdiñ esası kanunını kämileşdiryän böölüminiñ 27-nji
maddasına salgılanıp şeyle karar çıkaryar:
1-nji
bap:Yurdiñ senat we şura mejliysiniñ tassık eden Eyran-Şurevi döwletleri arasında baglaşılan serhet we malıya meselelerini çözmek barasındakı şert-namaları garşı tarapa gowşurmaga ruğsat edilyär
2-nji
bap: Döwlet organlari bu iyşi yerine yetirmelidirler.
29.12.1333
19.2.1955
Eyranıñ senat we şura mejlisiniñ tassık eden kanunı:
Yörüte
madda- Eyran bilen Şurevi döwletleri arasıñda serhet we malıya
meselelerini çözmek ugrunda gelnen ılalaşık 5 madda bilen bir protokoldan
ıbarat bolup 1333-nji-- yılınıñ penşenbe güni Azer ayınıñ 11-ne/ 1954-nji yılıñ 2-nji Desember ayı tassık edildi we döwlete,
onı iyşe
giyrizmäge ruğsat edilyär.
Yokarda
ağzalan yörüte kanun we protokol 1333ş-nji yılıñ 19-nji Isfänd ayında/1954-nji yılıñ 9-nji Fevral ayında senat
mejlisinde tassık edildi.
Senat mejlisiñ başlıgı: Ibrahıym Hekimi
Ilalaşık
Eyran-Şurevi
arasında bar bolan dostluklı gatnaşıgı nazara alıp, barıp
2-nji jahan söweşi
yıllarından mıyras galan araçäk we malıya meselerini
çözmek ugrunda şu
ılalaşıga gelnip,her iki döwlet ööz yörüte wekiyllerini
belleyärler:
Alıhezret Eyran patışası tarapından Beyik iylçi Hamid Sayyah.
SSSR
tarapından Eyrandakı dolı ığtıyarlı yörüte iylçi
Anatoli Yusofoviç Lavrantiv.
Adı agzalan wekiyller dogurlıgı ıkrar edilen ınanç hatlarını gowşuranlarından soñ şu
aşadakı Ilalaşiga golçekdiler:
1-nji madda:
Her
iki döwletiñ wekiylleri araçägiñ geçyän nokatları hakında bar
bolan problemleri her iki döwletiñ
bähbiytlerini nazara alıp, Mugan-Diyman, Yedi öyler-Saragıt we Etrek
etrapında-Señir-depeden Hazara deñzine çenli täze bir araçäk belligini
oturtmaga razılaşyarlar.
Bu täze nokatlar şu ılalaşıgıñ 2-nji maddasında görkezilyär.
Her
iki tarap beyleki nokatlarda bellenen araçäk üytgedilmejegini kabul etyärler. Şeylelik
bilen Hasar we onuñ etrapındakı yerler Eyranıñ erkinde galıp, Pöwriyze we onuñ
etrapındakı yerler bolsa Şureviniñ çäginde galyar.
Her
iki döwlet mundan bu yana araçäk meselesini çözüldi diyip hasap etyärler we
biyrek-biyrekden serhet meselesi hakında dawagär
bolmayarlar.
2-nji madda:
Şu ılalaşigıñ 1-nji maddasına dayanıp, Eyran-Şurevi arasında araçäk şeyle kesgiytlenyär:
B: Hazar ötesi(Za-Kaspi) araçägi:
Eyran-Şurevi
araçägi, edil Owganıstan serhet birleşigi nokadından başlanıp, tä Tejen akarınıñ günbatarında böölünyän yerinde-takmıyn Ulı-Baba
metjiydiniñ 2.7 KM demirgazık-gündogarında we Şurevi Saragtınıñ 5.8 KM Demirgazık,demirgazık-günbatarında, Tejen akarnıñ iñ
çuñlugından- 1894-nji yılıñ 3-nji June ayında 3-nji protokolda bellenşi yalı- Zulpıkardan Hımlı-depä çenli araçäk kesgiytlenyär we goşmaça hödürlenen kartada hem
belli edilyär.
Şu nokatdan tä Hımlı-depäniñ 3.4 KM gündogarından tä Kısı depäniñ 4.1 KM demirgazık-gündogarına çenli dowam etyär.
Şu yerden araçäk, günbatara tarap gıyşarıp,3.4 KMdogrı uzanıp, Hımlı-depäniñ süyri başına yetip, täze serhet belligi şu yerde gutaryar.
(
Saragıt etrabındakı täze serhet belligi hödürlenen goşmaça kartada 1:100.000
görkezilyär)
¤ A: Bu böölüm Azarbayjan araçägi hakında bolanı üçin
getirmekden saklandık.
Hımlı-depeden 1886-nji yılıñ 30-nji Januarında Aşgabatda gol çekilen Hazar
deñzinden, Babadurmaz aralıgı bellenen şert-nama esaslanıp, tassıklanyar.Şeylelik bilen Hasar we onuñ etrabındakı yerler
Eyranıñ çäginiñ içinde galyar.
Bu
ılalaşıkTehranda rus hem pars dillerinde yazlıp, her
iki nusga deñ hukuga eyedir.
Eyran patışasınıñ wekiyli : Hamid Sayyah
Şureviniñ
yokarı şurasınıñ wekiyli: A.Lavrentov
Bu
ılalaşıgıñ we
patışanıñ permanınıñorginalı, Baş weziylik köşgünde saklanyar.
Baş weziyr : polkovnik Zahedi
Araçägi
berk kontrol etmek üçin Eyran döwleti Orsyetden abantan kommunist howpından amanda galmagını bahana etyän bolsa, Orslar Eyranda bar bolan
Amerikan harbı we şpion
razvetkalarını orta atyardı.
Etrk-Gürgen
topragınıñ müñläp hektar mes-mele ekeran yerlerini patışa we köşk
gulamları basıp alyar, obalarıñ töweregindäki yaylım we ööre
meydanlar ekiş
yerlerine öwrülyär.Maldarlar yaylım meydan gözläp
serhet yakalarına tarap süyşmäge mejbur bolyarlar, emma iñ soñkı obalardan (meselem
Kümüş-depniñ
Galajık we ya-da Kelle-pos dan) serhede tarap ugrañda
”Serhet mantagası/zonası giyrmek gadagan” diyen bellik bar.
Türkmenistan
jemhuriyetinde ”pagran zona”(Yapık ığlan edilen zona) diyen bela
halkımızı köp yıllap kösäp geldi.Oba daşında gurlan
garawul postları giyrip-çıkma möhleti gutaran şol obalı halkı hem ööz
obasına göybermän köseyärdi.Aşgabat universitetinde okap yören Ogultäç,obası Ajı-yaba dolanıp baranda onuñ giyriş-çıkış möheletiniñ gutaranı üçin oba göybermän giyjäniñ içinde gıyzjagazı köseyärler. Birinji
gezek Esengulı we Ajı-yabı göremde Hitleriñ saldıran konst lagerlerini göz
öñüne getirdim.Obanıñ döört yanı 3 meter tikenekli siymler bilen gabalıpdır,
iylat mal-garasını yaylıma çıkarmakçi bolanlarında diñe iki yanı siymler bilen
gabalan yoljagazdan geçmeli edilipdir. Çeleken, Şa-gadam,Garrı-gala,Bäherden,Duşak,Kaka,Sarağıt, (hatta 1975-nji yıllarda-da Aşgabadıñ öözi hem yapık zona
bolupdır). Bu şäherler
barıp gelmek üçin it yalı kösenip, ruğsat hat almalıdı.
Meniñ
pikrimçe dünyäde az millet biziñ halkımız yalı şeyle horluklara uçrandır.Bir milleti ejiyzletmek, doganı, dogandan ayırmak hatta hiyç bir
haywanın edip bilmejek jenayatıdır.Edilen jebirler halkıñ beynisine
ornaşıp,nesiller boyı yatdan çıkmajak tragediye öwrülyär. Biz häli,häli hem
jigilermiziñ lälerinde yañlanyan nalaları eşidip duwrs:
Gayra,gayrada galdı,
Oklar yarada galdı,
Biziñ bilen deñ-duwşlar,
Bizden gayrada galdı.
Ya-da:
Bu galanıñ daşı halka-halka,
Çıka bilmen galka-galka,
Ey Hudayım meni yalka,
Galdım Tehran galasında.
Bu galanıñ daşı demir-demir,
Çıka bilmen ömür-ömür,
Ey Hudayım orsi gemir
Galdım orsyet galasında.
Gayra,gayra bakar men,
Dokma darak kakar men,
Şol gayranı görmesem,
Eräp,eräp akar men.
Ileriymiz dagmıdır?
Üsti kese bagmıdır?
Uçup baryan ak guşlar
Iylim-günüm sagmıdır?
Ak guş bolup
uçsadım,
Ööz iylime düşsedim,
Ööz iylimiñ suwından
Ganıp-ganıp içsedim.
Ekin ekdim bitmedi,
Sapan atdım yetmedi,
Haram ölmüş Nekeley
Üstümizden gitmedi.
Orslar geldi bu yurde,
Dawa gurdı obada,
Bu ne bela bilmedik
Halkıñ agzı tobada.
Ekmekçidim patrak,
Barısı boldı çetrek,
Gowşıyr meni iylime
Däli Gürgen, Etrek.
Bu daglarıñ başı yanar,
Köwlenip daşi yanar
Kim iylinden ayrılsa,
Yüreginiñ başı yanar.
Gayradan atlı gelyär,
Silkme telpekli gelyär,
Ola meniñ doganım,
Yanı sowgatlı gelyär.
Janım gezeñ düzi,
Hem goyun otlar hem guzı,
Guwrasın orsıñ yüzi,
Sürdi çıkardı bizi.
Agaç başı saz eder,
Şahası owaz eder,
Iylinden ayra düşen,
Indi kime näz eder.
Agaç başı burular,
Düybünde suw durular,
Kim iylinden ayrılsa,
Şonuñ boynı burular.
Depä çıkasım gelyär,
Läle kakasım gelyär,
Desse boylı gelleje,
Seni göresim gelyär.
Gayradan gelyän bäş geçi
........................................
Gayradan nawlar gelyär
........................................
Gayradan gelyän hüyk.hüyk
...........................................
Aylan tabak men tabak,
Obam göçdi men galdım,
Biziñ bilen deñ-duwşlar,
Bizden gayrada galdı.
......................................
Tikenekli siymler goparılyar
Avışdı-ya, avışdı,
Owlak-guzı emişdı ,
Janım huday,jah huday,
Azaşanlar gowuşdı .
Läleden
1979-nji
yılda Eyran patışası halkıñ gahar-gazabına duwçar
bolup tagıtdan ağdarılyar.Dörän yagdaydan peydalanıp, türkmenler ööz milli talaplarını orta
atyarlar.Türkmenler ”Medeni we siyası” we ”Oba şuralarıñ merkezi
karargähi” yalı guramalar döretyärler.Tehranıñ reaksiyon hökümeti,türkmen
topragında yüz beryän ööz-erkinlik ugrundakı göreşleri görüp bilmän 1979-nji yılıñ Mars we 1980-nji yılıñ Fevruary ayında iki gezek topragımızda gan
çaykayar.Şeyle
bir agır yagday döreyär, yerden tanklar,
artilleria.pilomutlar, depäñden bolsa fantomlardır holikopterler bilen od yağdıryarlar, yüzlerçe türkmen heläk bolyar.Hökümet hilegärligr baş urup, gürleşmek
bahanası bilen 4 sanı siyası lider Şiyrli Tumaç, Hekiym Mağtım, Tuwak- Vahedi we Söyün Jürjänini namartlarça duzaga salıp, gıynağ astında gıym-gıym bolan mukaddes jesetlerini jeññele taşlayar. Eyran döwleti bu
jenayat üçin jogap bermelidir.
Şular yalı agır yagdayda kime el uzadıp, kimden haray soramalı?
Elbette Türkmenistandan başga kim hossar bolup biljek.Emma gıynansagam Moskowıñ
basgısı astında duran türkmen döwletimiz bu jenayatları göre-göre dil yarıp
bilmedi.Aşgabadıñ gazet-jurnallari, radio-televizyonı edilen zulumlar hakında kelam
agız gürrüñ bermediler, şonda milli serdarımız Gaygısız Atabayıñ 1924-nji yılda Etrek-Gürgen
türkmenlerinden hemayat etmeli diyen geçiren halk maslahatı yadıña düşüp, şol mert
yigidi häzirki yolbaşçı sumaklar bilen deñeşdiryärsiñ.
1985-nji
yıldan başlap, Türkmenistanda bir näçe esası özgerişler
yüz beryär.11 yıllap türkmenlere baş bolup bolup oturan Muxommetnazar Gapurovıñ yerine Saparmırat Niyazov geçyär, ol hem kommunist partiyanıñ 1-nji
sekretarı hem-de parlemanıñ başlıgı edilip bellenyär.Garbaçovıñ aç-açanlı, ayanlık
hem.de üytegedip gurmak siyasatı astında Türkmenistanda bir-az demokrasiyanıñ
yeli ösyär. Barıp 1950-nji yıllarda esas-sız gadagan edilen milli eposımız
Gorkut-Ata, Oguz-nama, Göroğlı,Şabende,merhum Atagowşudıñ belli Perman
romanıñ çap bolmagına, şeyle-de ”Mukamlar başı”, ”Seni” yalı milli sazlarıñ
radiodan yañlanmagına ruğsat berilyär. Barıp 1924-nji yıldan soñ ilkinji gezek türkmen dili
döwlet dili diylip jar edilyär...
1990-nji
yılıñ April ayında Azarbayjan halkı Araz çayınıñ iki
yanında çekilip, ol halkı biyr-biyrinden ayra düşren tikenekli siymler goparıp başlayarlar.
Edil şol günler Türkmenistanıñ yokarı şurası her yılıñ May ayınıñ soñkı yekşenbesini milli şahıyrımız Magtımgulınıñ günleri diyip ıkrar etyär hem Aşgabadıñ iñ ulı köçesiniñ adına Şahıyrıñ adı dakılyar.Şol yılıñ May ayınıñ 18-ine prezident Niyazovıñ yolbaşçılıgında 60 adamdan bolan siyası we ılmı topar Garrı-galanıñ Şarlawuk obasınıñ üstünden geçip, Marawa-depäniñ günbatarında yerleşen Ak-tokaya barıp, Döwletmämet Azaddı bilen Mağtımgulını ziyarat etyärler.
Eyranıñ Mazenderan welayatınıñ gübernatori Aşbat TV-siniñ jurnalistına beren interviyusında şu yakında iki türkmeniñ gatnaşjakdıkları hakında maglumat beryär.
1990-nji
yılıñ 28-nji Mayında ozalkı Şureviniñ serhetçiler güni mınasıbatlı ”Yaş kommunist” jurnalınıñ 30-nji May 21-nji sanında Orta asia serhet
gorayjılarınıñ baş
komandiri Boris-Gribanov şol yılıñ January ayında Gızıl-Etrek, Howdan, Aşgabat-Guçan, Duşak we
Saragıtdan geçelge nokatlar açıljak diyen wadasını
beryär.Aydılan dööet nokatdan diñe Gızıl-Etrek geçelgesi Eyran türkmenleriñ
topragında yerleşyär.
Türkmenistan
ööz milli garaşsızlıgına gowşandan soñ Eyan döwleti Aşgabtda ööz iylçi-hanasını şeyle-de
Türkmenistanıñ birnäçe şäherlerinde kosul edaralarını açıp başladı.Emma Türkmenistanıñ, Eyranlı türkmenleriniñ yaşayan şäherlerinde
yekeje-de iylçi-hanadır konsulı yok.Eyranlılar Aşgabatda pars dilini sapak
beryän birnäçe korslar yola goydı emma muña garşılık
türkmen döwleti Eyranlı türkmenleriñ arasında hiyç hil medeniyet öyi hem yok.
Eyranıñ daşarı iyşler
ministerligi tarapından neşir edilyän ”Orta asia we Gafgazı öwreniş
” jurnalınıñ her sanında diyen yalı”orta asia Eyranıñkı,
Eyrana gaydıp berilmeli” diyen pikir yöredilyär.Islamı hökümet bar güyji bilen
Türkmenistanda ”Eyrano-fil” ideologiyasını propaganda etyär, türkmen halkını
gul etmek üçin neşe
maddalarını yollayar...Emma muña garşı biziñ Türkmenistanlı
yolbaşçılarmız olara ”dogan” diyip, atdır halı serpay yapyarlar.Eyranıñ hazirki
hökumeti ozalkı patışalık düzgüni yalı hiyç haçan türkmeniñ dostı-doganı
bolup bilmez, sebäp olarıñ Etrek-Gürgen türkmenlerine salan yaralarından heniyz
bugüne çenli ganlar akıp duwr.
Biz
tarıxdan bir zadı öwrenip galdık.Ol-da Eyran-Rus
döwletleriniñ ortak siyasatları astında biziñ ıkbalımız kesgiytlenipdir.Eyran
döwleti Orslarıñ Türkmenistanı basıp almagını şadıyanlık bilen garşı
alıp, olara gutlağ
telegerammalar yolapdırlar, gerek bolan yagdayında ilerden çozuşlar gurnap türkmenleri gısaja salıpdırlar. Bu gün haysı yüz bilen utanman türkmen toparı ozal
biziñkidi, oni orslar bizden basıp aldı ”diyärler, bular yalı yalan
töhmetlerine yekeje deliyl hem görkezenoklar, görkezip hem bilmezler. Yööne
bizi gatı geñ galdıryan zat ol hem bütin dünyäde terrorı goldayan hökmünde
yigrenilyän Eyran bilen biziñ erkinlige yañı yeten döwletimiziñ şeyle yakın aragatnaşıkda durmagıdır.Şeyle siyasatıñ gorkunç derejesine
barıp yetmeginden howtırlanan käbir orya asia döwletleriñ yolbaşçıları Niyazova duydırış berdiler.Dogurdanam beyle yakın aragatnaşık ol
hem anti türkmen, pars şaunizmini goldayan Eyranlılar bilen nämä
gerek, bu diplomasiya kimiñ bähbiydine?
Orsyet,
Eyrana yadro yaragdır atom stansiyalarını grup beryär, ol hem edil
türkmen topragınıñ golayında, egerde Çernobil yalı peläketçilik döraysa soñunı
Alla biler.Diymek Orsyet-Eyran aragatnaşıgınıñ sazlıgı esasında we şol diplomatik linya baglı bolan biziñ häzirkiTürkmenistanlı yolbaşçılarmız Eyranlılar
bilen ”dostlıklı ” aragatnaşık alıp baryarlar.
Türkmenistan
garşsızlıgına gowşandan soñ daşarı yurtlerde yaşayan türkmenleriñ ıkbalları bilen gızıklanıp, öñki Dosluk we Watan
jemgiyetlerini ”Dünyä türkmenleriñ humanitar birleşigi” adlı gurama üytgedip onuñ başlıgına bolsa Niyazov geçdi.Bu
gurama praktiki taydan gerekli weziypäni yerine yetirip bilmängelyär. Mısal
üçin Eyranlı ya-da Owganıştanlı türkmenler ööz Ata watanları bolan Türkmenistanda
yokarı ılım almaga gelenlerinde olardan otunmanı müñlerçe dollar soralyar,
Auwrupada yaşayan
türkmenlere we olarıñ ösüp baryan körpe nesillerini türkmen ruxunda yetişmeginde hiyç hiyl alada
edilenok, Latin hatında material çap bolmayar we ş.m
Prezident
Niyazov 1994-nji yılıñ Oktoberinde Dünyä türkmenleriñ humanitar birleşiginiñ 3-nji konfrensiyasında şeyle
çıkış edipdi:
“Eyranda,Owganıstanda,Türkiyede,Irakda
Yurupanıñ dürli şäherlerinde,
Amerikada
we beyleki yurtlarda yaşayan
türkmenler
Ata watanında,Türkmenistanda yaşayan
dogan garındaşlarıñız,arkadaşlarıñız bilen
dolı deñ hukuklısıñız. Türkmenistanıñ
yolbaşçıları ,türkmen döwleti,halkımız
sizi hiyç wagıt mıyxman hasap etmez.
Türkmenistanda yer
almaga, jay gur-
maga,maşgala
tutunmaga türkmen top-
ragı siziñ üçin açıkdır.Türkmenistanda häzir
5 milliona golay iylat
bar.Meniñ maksadım
2000-nji yıla çenli türkmenleriñ 2
milliona
golayını Türkmenistana göçürüp getirmekdir”.
Şu asıllı siyasatı yöretmek üçin ilki bada Täjikistandan
soñ bolsa Eyranlı türkmenleriñ arasında bosgunlıkda yaşayan Owganıstanlı türkmenlerden 150 maşgalası Bendertürkmen we Ak-gala şäherlerinden Türkmenistana
göçürlüp getirilyär.Göçüp gelen Täjikistanlı türkmenler dürli
kemsidilmelere uçrap iyşdir öy-öwzar berilmäni üçin gaytadan Täjikistana gaydıp gidipdirler.
Auwrupanıñ dürli yurtlerinde yaşayan türkmenlere heniyz bugüne çenli Türkmenistan pasportı berilmän gelyär.Bu iyşi çaltlaşdırmak barasında onlarça gezek dürli edaralara yüz
tutuldı.
Howa!
Biziñ
döwrümiz koloniyalistik siyasatları esasında böölnen
yurtleriñ biyrigyän döwrüdir, inha iki böölnen Viyetnam, Yemen Alman yalı
yurtler birleşip,
Koreya bolsa biyrigmäge tarap ımtılyar.
Bar
güyjümiz bilen zalımlıkda üçe böölnen milli watanımızıñ gaytadan bir
döwlete ,bir topraga öwürlüp, tikenekli siymleriñ yok bolmagını talap edeyliñ.
Soñı
Goşmaçalar
1
1723-nji yılıñ 12-nji Septemberinde
Eyran-Rus arasında baglaşılan ılalaşık
Orsyet
patışası barıp 18-nji asırıñ başlarından bäri, türkmenleri gısıp saklamak üçin Eyran döwleti bilen ılalaşıp
gelipdirler.Aşakdakı ılalaşık Säfäviyt urugundan bolan Tahmasp 2-nji patışanıñ Sankt Peterborge iyberen iylçisi Ismayıl beg Etimad-äldöwle tarapından,Orsyet
wekiylleri arasında bir şert-nama gol çekilipdir:
Alla tagalanıñ adı bilen
“Eyranıñ indi ençeme yıldan bäri periyşan halda durandıgı hemme kişä ayan, Eyran halkı beyle yagdaya tap getirmän patışanıñ alıp baryan siyasatlarına
nä-giylelik bildiryärler.Beyle yagday ol yerde söwda iyşleri bilen maşgullanıp yören ors täjirleriñ jan we malını howup astına salyar,hatta olardan
birnäçesi öldürlüp, malları talanıpdır.Eyran patışası howupsızlıgı üpjün edip bilmäni üçin, alı-hezret orsyet patışası gadımdan set bolup gelyän dostlık ılalaşıga dayanıp,gozgalañçılarıñ
hereketleri orsyet serhedine sıçramaz yalı, Eyran patışası goramak maksadı bilen Hazar yakalarında duran goşunlarına ol gozgalañları basıp yatırmak üçin erkana hereket etmek burugını
berdi.Eyran patışasınıñ iylçisi alı-hezret orsyet patışasından şu hayışları yerine yetirmegi ara atıp, iki döwlet arasında şu ılalaşıga gol çekildi:
1.Gozgalñı basıp yatırmak üçin Orsyet tarapı hayal etmän
Hazar kenarına atlı we
piyada goşun
gödermeli.
2.Bu
yardama garşı Eyran tarapı,Bakuw, Derbend we onuñ
etrabındakı yerler bilen birlikde, şeyle-de Hazar yakasındakı
Giylan,Mazenderan we Astrabad welayatlarını müdümilik Orsyet patışasına beryär.Adı agzalan welayatlar ömür-bakı Orsyediñ erkinde durar.Bu
yerler ors goşunlarınıñ yerleşmegi
üçin gereklidir.
3.Alı-hezret orsyet patışasına berlen welayatlarda, goşun sürsatını daşamak
üçin deñiz yolı yeterliksizdir. Bu yerlerde köp sanda at bar, her
atıñ bahası 12 rublden artık bolmalı däl.Şeyle-de alı-hezret Eyran patışası yük daşamaga
gerek bolan düyeleri muğtına üpjün etjegine söz beryär”.
Bu
ılalaşıkdan 6 yıl soñ 1729-nji yılıñ 13-nji February
ayında Eyranıñ Reşt
şäherinde 2-nji bir şert-nama gol goyulyar.Şert-nama,
Orsyet patışası Pioter 2-nji tarapından Orsyedıñ Giylan we Hazar
kenarındakı goşun
baslıgı, Sankt Alexande medalıñ eyesi Vasili Lovaşova bilen Eyranı basıp alan Owganıstanlı Mahmud Äfganıñ tarapından Muxommet Seyid alı han gol çekilipdir.
“Her
iki yurdiñ bähbiydinı gazanmak ugrunda, ılayta-da biziñ garşımıza göreşyän halkların eline her hil ok-yaragıñ geçmezligi üçin biz şu mukaddes şet-nama
gol goyyarıs.
1.Bellenen
araçäkler we onuñ iki tarapındakı kesgiytlenen şäherler müdümilik şu
yagdayda galmalı.
2.Alı-hezret Orsyet patışası, dostluk yagdayını göz-öñüne alıp,şeyle-de oları başga
bir döwlete bermezlik şerti bilen Mazenderan,Giylan we Astrabad welayatlarını Eyrana gaydıp beryär.Eger bu yagday ünsden düşürlse Orsyet, adı agzalan welayatları gaytadan müdümilik ööz erkine geçirer.
3.Eger
araçägiñ her iki yanında yaşayan halkdan ööz maşgalası, mal-mülki bilen serhediñ ol bir tarapına geçip pena sorasa, olara
pena bermän, mal-mülkleri bilen gelen döwlete gaytarıp bermeli”.
Goşmaça
2
Pioter 1-njiniñ wesyet-naması
Giyriş - Mukaddes we bölünmeyän üç güyjüñ adı bilen biz bütin
Orsyediñ güyçli impraturı we soltanı Pioter 1-nji ööz miyrasdüşerlerime we rus milletli
hökümdarlarına yüzlenip,öözümizi oña minnetdar boldugımız Alla
tagala bizi ors milletini Alla nurı bilen bezämäge iybereni üçin şükür etyäris. Bütin Auwrupada
diñe bir millet hökümrowan bolmalı.Häzir ähli Auwrupa
döwletleri güyçden düşüp, yok bolup baryarlar, olar şeksiz bir yaş nesiliñ
eli bilen dargarlar, yööne şol yaş nesil mıdama tayyar bolup durmalı.
Men
şu yakında gündogardan Auwrupa boljak hüjümi Huday tarapın
yerine düzülen bir plan bilip, onuñ amala aşırılmagını bize tabşıryar.Bilşiñiz yalı Rum milletiniñ gaytadan janlanmagı Barbarlarıñ hüjümi netiyjesinde yüz
berendir.Biziñ gündogardan günorta tarap etjek yörüşimiz Nil deryasınıñ joşgunından soñ bolar.
Şoña görä menden soñrakı nesiller şu aşakdakı maslahatları mıdama göz öñünde saklamalı:
Bu
wesyet-nama Menşur Gurganınıñ 1988-njı yılda Tehranda neşir etdiren ”Eyrandakı Rus-Inglis
bäsdeşligi” adlı kitabından alındı.
galyan
laylar yalı ol yurtleri kuwatlaşdırar, biz ol yerleri
terk edemizden soñ, meniñ miyrasdüşerlerim ulı siyla öwürlip keselläp, horlanan Auwrupanı abadanlaşdırar.Eger meniñ miyrasdüşerlerim şol siylı kontrol edip, onuñ tolkunlarını her hiyl garşı sakalardan sag-aman
geçirip bilseler maksada layık
1.Ors
döwleti ööz goşunını mıdama taplanan gılıç yalı tayyar saklamagı
wajıypdır.Esegerlere diñe seriyşte we ok-yarag yıgnanyan wagtından
başga mahal dıynç bermeli dälOrs milleti urşa alışar yalı mıdama hüjüme
tayyar bolmak wajıypdır,parahatçılık wagtında seriyşte we pul yıgnap, urşa
tayyar durmalı, olar şeyle bir öldürmäge heriys bolmalı, diñe beriljek hüjüm permanına garaşmalı.Häzir parahatçılık
zamanındır şoña
gärä köp mukdarda yarag toplamalı, şeyle-de söweş wagtında yaraşiga
oylanıp, bar erki elden berip oturmalı däldir.
2.Uruş wagtında başardıgıñızça daşarı yurtli dürli iylatdan emelen,ılayta-da Auwrupa terbiyesini alan harbı
serkerdeleri yurde çekmek parzdır,şeyle-de parahatçılık mahalı daşarı yurtli magarıyf we senagat ussatlarını yurde çagırmalı. Esasan ors
milleti madı bähbiytleri gazanmakdan başga, olarıñ hasabına dürli
modern zatları öwrenmelidirler.Bu ösüşiñ iñ möhüm teknikidir.
3.Porsat
ele gelen mahalı awçi yalı sağ-o soldan awa bakıp, Auwrupanıñ ähli
yagdayına- jenjellerine, agzalalıklarına- garışmalı, ılaytada bize
yakıyn we goñşı bolan Almanıñ iyşlerini dıkgat bilen
ıyzarlamak ulı bähbiytdir.
4.Polşanı dargatmak üçin olarıñ arasında duşmançılık, bozuklık,Gabanjañlık we
müdümi kiyne döretmeli.Bu maksada yetmek üçin beyleki Uwrupa döwletlerini siym-o
zer bilen ööz tarapıña çekmeli.Polşanıñ içinde parahorlıgı
rowaçlandırıp, olarıñ arasında agzalalık döredip,yolbaşçılarını para bilen öözümize çekmeli.Bu maksat hasıl bolandan soñ, ööz
islegñiz bilen ol yurdiñ patışasını saylap bilersiñiz.Ors esgerlerniñ añsatlık bilen
Polşa giyrmäge
bahana bolar yalı olarıñ harbı däl söweşjeñlerini ööz hemayatıñıza alıñ, bu güyçler,yurt dolı kontrola geçyänçä ol yerde galmalı.Eger şol halda başga bir goñşı döwletden siziñ iyşiñize garşılık görkezilse, siz Polşanı olar bilen paylaşmaga razı boluñ.Şeylelik bilen dörän pitnäniñ öñüni alıp bilersiñiz, yööne derhal elden beren zadıñızı ıyzına almaga tayyar
boluñ.
5.Şvetsyanıñ klonilyalarınıñ köp mukdarını ele geçirmek üçin ol döwleti size garşı
bir hüjüm etmäge mebur ediñ, ondan soñ her tarapdan olara çozup, oları diyza
çökeriñ, ondan soñ Daniya bilen Şvetsya arasında duşmançılık dörediñ we bu duşmançılıgıñ uzak sürmegine yardam ediñ.
6.Rus
patışası we onuñ miyrasdüşerlerine Alman patışasınıñ urugından bir gıyz bilen öylenmek wajiypdır. Şeyle durmuş gurmak
bilen är-ayal bähbiydi ara düşer we ööz peydamız üçin
garındaşlık bahansı bilen ol yurdiñ içki iyşlerine añsatlık bilen garşıp
bolar.
7.Inglis
deñizlere mätäç bolan we deñizçilikde güyçlenen we şol yoldan
baylık yıgnan bir döwletdir, olar mıdama ööz deñiz
kuwatlarını güyçlendiryär. Bu döwlet bize we biziñ hem olara mätäç bolanımız
üçin ähli aauwrupa döwletlerinden diñe Inglisler bilen yagşı aragatnaşıkda
bolmalı, ilayta-da söwda pudaklarında we olarıñ harıyt mallarını şol sandan agaç we ş.m orsyetde sardırmak bilen
köp baylık elimize geçer we ınglis pulı yurdumize giyrip ugrar. Şeylelik bilen olarıñ söwdigärleri bize ınanıp, biziñ gämiçilik söwdamız ol yurtde ösüp
ugrar.
8.Ors
döwleti günsayın ööz harbı we deñiz güyçlerini demirgazıkda Baltik
gıralarına, günortada bolsa Gara-deñize tarap yayradıp ugramalı.
9. Başardıgıñızça Istanbul we Hindistana yakıynlaşıp ugramalı, sebäp her kim bu
yerlere el yetise dünyäniñ hakıkı soltanı bolar.Şol sebäp bilen Osmanlı döwleti bilen üznüksiz söweş alıp barmalı, Eyran bilen hem
söweşmeli,
dura-bara Gara-deñizi zabt edip, ol yerde gämi yasayan fabriklar gurmalı, şol
ugurda Batiki hem ele geçirmek maksada layık bolar.
Häzir
size iñ möhüm zat Eyranı ezip, pars aylagına yetmekden ıbaratdır, şeylelik bilen Hindistana yakıynlaşıp,gündogar söwdasını ele geçireñizden soñ yeke Inglis altınlarına
däl bütin dünyä baylıklarından nesiypsiz galmarsıñız.
10.Orsyet,
Austeria döwleti bilen birleşik gazanmaga tarap hereket edip, olarıñ bähbiytlerini gorayan yalı görünmeli we bu yurdiñ Almanı basıp
almagını goldamalı,emma aşakdan olarıñ arasında duşmançılıgı köpetmeli.Olarıñ her
tarapını geljek söweşde orsyetden yardam alıp biljekdigine umuytlı
saklamalı, şeylelik
bilen olar güyçden düşüp, siz ol yurtleri añsatlık bilen ele geçirip
bilersiñiz.
11.Austeria
soltanlarını, Türkleri Auwrupadan çıkarmaga tarap küşgürmeli.Haçanda biz Istanbulı basıp alnımızdan soñ Austeriya aldananı bilip gahar-gazaba giyrse,
oları Auwrupadakı söweşler bilen güymäp bileris, ya-da basıp alan
yurtleriñizden bir-az oñada pay berip razı edersiñiz, elbette derhal berlen
yerleri gaytarıp almaga giyrişmelidirsiñiz.
12.Başardıgıñızça Majarıstanda(Vengeriyada),Osmaniyda we Polşanıñ ortasında çaşıp yören bütin
Grekleri(Yunanları) ööz daşıñıza üyşüriñ we olardan arka çıkıñ ele
gelen bir porsatda biz bütin Kristiyan dinına başlık saylap, öözümizi
her duşmanıñ dostı edip görkezip bileris.
13. Şvetleri
dargadıp, Eyranlıları yeñip, Polşanı diyza çökerüp, Osmanlı imperyanı zabt edeñizden soñ, biziñ goşunumız kuwatlanıp, Baltik we Gara-deñizi deñiz harbı güyçlerbilen ele
geçireñizden soñ, dünyäni paylaşmak üçin ayrı-ayrı we gizli
yagdayda ilki Fransuzlar soñ bolsa Viyena paışası bilen gepleşige giyrip,diñe ikiñiz ılalaşıp biljekdiñizi ara atıñ.Eger olarıñ ikiden biyrisi bu iyşe razı bolsa maksada yetmekdir, dura-bara ol döwleti yumşadıp,erkini ele geçireñizden soñ biyrigip ol bir garşı bolan döwleti
aradan götermeli.Axır soñunda bolsa size ortak bolab döwleti yok etmek kasdına
çıkıñ, bu iyş onçaklı howuplı bolmaz, sebäp ol wagıt, Orsyet bütin gündogar we ya-da
Auwrupanıñ köp yerlerini ööz kontrolına geçiren mahalı we güyçli döwridir.
14.Eger-de
agzalan her iki döwlet siziñ hayışıñızi ret etseler,
onda olarıñ arasında duşmançılık odunı tutaşdırıñ,olar biyr-biyrleri bilen
çaknaşıp axır soñunda bir tarap ejiyzlär, edil şolar yalı yagdayda Orsyet
döwleti hayal etmän bar güyji bilen Almana hüjüm etmeli we şol bada ulı we agır yaraglara beslenen iki sanı deñiz harbı skadranlarını Asia
yollanjak goşunlar
bilen tayyarlap, birisini Azov
deñzinden ol birisini bolsa Arxan-göök sürüñ bu harbı kuwatlarI Orta yer deñzinde Demirgazık deñizde, we baltikda manuver
bersinler we edil siyl suwı akan yalı bi yandan Fransa, ayrı tarapdan
bolsa Almana çozmalı. Bu iki yurd ele salnandan soñ Auwrupanıñ beyleki
döwletleri añsatlık bilen size boyun bolarlar.Bu Auwrupanı ele geçirmek üçin
yeke-täk yoldır.
Goşmaça
3
Orsyediñ
Tehrandakı dolı iğtıyarlı iylçisi we Fransiyanıñ şarjdoferiniñ Eyanıñ baş
weziyrlik benasına gelip, goşunıñ 1298-nji Gamarı/1879-nji
yılda Etrek-Gürgen türkmenlerine garşi söweşde gazanan yeñişlerini gutlamak hakındakı Baş
weziyriñ Naseret-din şa yazan rapportı.
“Ayak
astınıñ gurbanı bolayın, Kıble-ye älem!
Bugün günbatara üç sagagat galar, Orsyediñ iylçisi we Fransanıñ şarjdoferi,
Sepesalarıñ Etrek we Kümüş-depäni basıp alanı eşidip begenç bilen onı gutlamaga geldiler we menden
bu şatlıgı has dabaralandırmak üçin ulı bir ziyafat berip, toy
tutmagımızı islediler. Men hem derhal bu buysançlı habarı size yazıp, şeyle bir toyuñ tutulmagına ruğsat
dileyärin.Daşarı iyşler ministeri Emin etdowle hem şat bolar. her halda perman
soltanıñ permanıdır”.
Bu
tarıxı arkiv dekumentleri 1982-88 nji yıllar aralıgında Eyranda ılmı iyşler bilen maşgullanıp yören döwrümde Tehranıñ milli arkiv edarasından tapdım.
Goşmaça
4
Göök-depedäki
gan döküşükden janlarını gutarmak üçin Eyran serhedine yakıynlaşan
türkmenleriñ durmuşı hakında Horasan häkiminiñ Tehrana iyberen rapportı:
“Bize
gelip yetişen giyzli habara görä müñe golay Ahal iylatı Tejene gelipdirler, iki sanı adam ogrıyn olarıñ aralarına iyberdim.
Göçüp gelenleriñ sanları, maksatları hakında habar getirerler. Meniñ
bilmek isleyän zadım olar orslar bilen söwşmek hıyalları barmı ya-da olara rayat
bolmak isleyärlermi, ya-da biziñ beyik döwletimize rayat bolmak
isleyärlermi.Horasan serhedine gelen müñe golay türkmeni, orslar bilen baglaşılan ılalaşıgımız esasında oları rus garawullarına tabşırdık”.
Goşmaça
5
1884-nji
yılda Ak-galadan Tehrana iyberlen telegram
rapportlarından:
“Ak-galanıñ telegraf siymı(linyesi)
hakında
5-6
gün mundan ozal Ak-galanıñ siymi, yarım agaç bu şähere yetmezden Ak we
Ata-baylarıñ yurdinde yedi yerden gırlıp taşlanıpdır.Mämet-esen han mürzäni üç sanı tüpeñçi bilen ol yere yoldım.
Ata-baylarıñ yüzbaşısını çagırıp, olardan garamat isledik.Her gün diyen yalı bu telegraf linyası gırılyar”.
Hatıñ aşagında Patışanıñ permanı yerleşipdir:
”
Jenap baş weziyr Emin elsoltan!
Edil
şu mahal telegraf edarasınıñ başlıgı Kerim hana gazap bilen telegraf yolladım. Der hal siymları
türkmenlerden alıñ yogsam öözüñiz jerime bolarsıñız”.
Dazlarıñ Etrekden aşıp, Orslarıñ olara garşı bolmagı
“Dazlar
Etregiñ añırsına geçipdir diyen habar eşidildi, orslar olarıñ öñüni alıp,olara- bu yere geljek bolsañız atsız, yaragsız,
yekän-yekän gelmeli, yogsam yol bermeris-diyipdirler. Daz ozalkı oturan
yerlerinde 2 agaç iyzına tarap süyşüpdirler”.
Goşmaça
6
1889-nji
yılda Naser-etdin şanıñ Astarabad häkimi Seyf -elmolke türkmenleriñ arasına iç-alı
iyberip olarıñ hal-yagdayından habar getirmek hakındakı permanı:
“Ozalkı hatlarda belleşim yalı örän seresaplı bolup, Yomutlarıñ we Etrekde oturan
Jafar-baylarıñ we hatta Balkan
tarapına, orsyediñ içine gatı ökde we hüşgär adamlardan saylap iç-alı yolañ, Astrabad goşunını tayyar saklañ. Eşidilşine görä Iyşan ya-da
molla sıpatlı adamlar türkmenleri biziñ garşıymıza ayaga
galdırmaga tayyarlanyarlar. Garaz, gatı hüşgär boluñ, eger sähälçe gafıl bolsañız bagışlanmarsıñız.Türkmenleri gatı horlamalı, olara - yene birgezek gozgalañ turuzsañız sizlerden
nam-nışan goymarıs- diyip añlatmalı.Türkmen we serhediñ habarlarını çalt-çalt yetirip
dur. Elbette öñki telegraf kodı bilen bu gezek yolajak giyzli kodı degişdir”.
Goşmaça
7
1925-nji
yılda Eyran döwletiTürkmensähranı basıp alandan soñ Kümüş-depe-de harbı komdant yağday jar edilip, iylatıñ şähere
giyriş-çıkışı gadagan edilyär. Bu dokumentde Hajı Nurgeldi
Jäji oglı, Kümüş-depäniñ
gala-begine yüzlenip, ondan ööz pagta meydanına gitmegini hayış etyär.
“Arz-nama
Kümüş-depäniñ
hormatlı harbı gala-begi
Pağta meydanına gitjek, ruğsat beriñ.
Hajı Nurgeldi Jäji oglı ”
Hatıñ aşagında gala-begiñ permanı yerleşıpdir:
“Jandarmalar
Pağta yerine gitmek üçin bu ruğşat hatınıñ bir ay möhleti bar”.
Kümüş-depäniñ
gala-beginiñ golı
we möheri
Goşmaça
8
Asreabadıñ hähimi Hasan Ardelanıñ 1926-nji yılıñ 29-nji Novemberinde Ak-galnıñ
harbı häkimine salgılanıp, turkmenler hakında yurdiñ içeri iyşler ministerine iyberen
rapportı:
“Içeri iyşler
ministerligi ! 78-nji sekret nomerli hata salgıanıp,
Ak-galanıñ harbı häkiminiñ habar bermegine gärä, goşunmızıñ bu yerdäki yörüşleri netiyjesinde bur topar türkmen yagılar Şureviye gaçıp gityärler we olyerden erkana bärik gelip-gidip duwrlar.Bu yagday bir tarapdan goşun
yöretmäge ummasız çıkajı bolsa ayrı tarapdan olarıñ bu hereketleri
boyun edilen türkmenlere türkmenlere erbet täsiyr galdıryar.Çaltlıkda hökman
bir iyş etmeli, Şurevi
oları ya-ha ol yerden kowup çıkarsın, onda, biz der-hal oları tutup yarağsızlandırarıs.Yadımda huzuruñıza baramda Orslar beyle
ası türkmenleri ol yere salmajak diyip size söz beren eken. Ya-da Orslar oları
tutup, bize bersinler. Eger çäre görülmese döwletiñ we goşunıñ ähli zähmetleri puwç bolar.Nr.161.
Astrabad
häkimi: Hasan
Raportıñ aşagında şeyle
yazlıpdır:
Demirgazık edarası!
Hat
okaldı.Ondan bir exempları
sekret
halında daşarı iyşler
ministerligine
iybriñ.
Goşmaça
9
1931-nji
yılın 17-nji Oktober/1310ş-nji yılıñ 26-nji
Mehr ayında Türkmensäranıñ harbı häkiminiñ Astrabad häkimine
yollan raportı.Bu hatda ol yañı golayda Baklandan gaçıp Kümüş-depä gelenler hakında maglumat beryär:
“Nr.1719 26
Mehr 1310
Astabd
goşun başlıgı we
Sähranıñ harbı häkimi jenaplarına
Nr.1758 hata salgılanıp, yañı
golayda Kümüş-depä
gelen
13.2.10
mollarıñ adlarını iyberyärin.Bular müdümiylik Kümüş-depede galmak hıyalları bar”.
Sähra
häkimi
Hatıñ gırasında şeyle höküm edilipdir:
“Gelen
mollalar sellelerini taşlap, Pählevi telpegini geymeli.
Suwatsızlarıñ selle goymaga hakları yok”.
Balkandan
gelenleriñ adları
1.Söyün
berdialı oglı .
2.Garja
Halligurban
3.Muxommetgurban
4.Annamuxommet
Annadurdı
5.Abdıraxıym Kemal axun
6.Muxommtkeriym
Kemal axun
7.Raxmatgulı Şıyx axun
8.Sapar
Halat
9.Atamämet
Guldan
Goşmaça
10
1932-nji
yılıñ 23-nji November/1311ş-nji yılıñ 3-nji Azär ayında Ak-galanıñ harbı häkimi Türkmensähradakı okuw
jaylar hakında Astrabadıñ harbı komandıyrına yazan raportı:
“Nr.
661
11.9.3
Çalt
Sähra
hökümetiniñ alı jenaplarına
613-nji
Nr. raportıñ dowamında Daz obasınıñ mektebi örän göz-gıynı
yagdayda. Mektebi dolandıryanlarıñ alıp baryan erbet hereketleri netuyjesinde
okuwçılar mektepdir öylerini terk edip, Şureviye gaçıp gityärler.Geçen ayda 3 okuejı Duyeji-Bähelke obasından 2 sanı okuçı bolsa Ak-degişden gaçıp,oları gaytarıp alar yalı heniyze çenli niyrededikleri belli
däl.Ozalkı mektep müdüri Mürze Nasırolla han Maksuwdlu çetleşdirlenden soñ, häzirki müdür
Fetholla han Bähri siz alı jenaplardan yagdayı düzeltmek üçin yardam
sorayar.Sähra hakında magarıyf iyşleri dolandıryan adam bilen
maslahatlaşıp, bir düşünjeli müdür iybermegiñizi hayış etyäris.Beyle yagdayıñ dowam etmegi beyleki okuwçılarada erbet täsiyr galdıryar.
Ak-galanıñ häkimi:Mayor2. Mäjd
Hatıñ gırasında şeyle jogap berlipdir:
“Ozalkı müdüri iyşıne yolap, halkıñ razıçılıgını gazanıñ
Goşmaça
11
1937-nji
yılıñ June ayında Eyranın goşun ştabınıñ orunbasarı tarapından içeri iyşler ministerligine yazılan
raport.Bu sekret hatda türkmen topragından açlık zerarlı Türkmenistana gaçıp
gityänler hakında habar berilipdir:
Harbı ministerlik
2-nji edara
Information
böölümi
“
Içeri iyşler ministerligi Giyzli
Bujnurt
serhet garawul başlıgınıñ habar bermegine görä Baratoglı Söyün ööz maşgalası bilen Şureviye
gaçıp gidipdir.Jandarmalarıñ ayıtmaklarına görä
güzeranınıñ pes bolmagı sebäpli ol, gaçıp giden eken.Eger şeyle açlık-horluk dowam etse köp adamlar gaçıp gitmäge
tayyar.Siziñ bu yagdaya çäre görmeñizi hayış etyärler”.
Goşun ştabınıñ orunbasarı
Polkovnik
Zargamı
Goşmaça
12
1947-nji
yılıñ Janvarında Eyranıñ polis merkezinıñ baş karargähi tarapından içeri iyşler ministerligine yazılan raport.Giyzli diylip
adlandırlan bu hatda, onlarça türkmen maşgalanıñ aç-hor gışıñ sowgünda Eyrana
geçişleri we Şurevi
döwletiniñ oları göz tussagında saklaları hakında Eyranıñ polis
organlarından hayış
etmegi görkezlipdir:
Içeri iyşler
ministerligine
“Maşat polis
böölüminiñ habar bermegine görä, 60 sanı türkmen ööz
çagaları bilen Şurevi
serhedinden aşıp Maşadıñ Turbet Haydarı şäherine gelipdirler. Şurevi
döwletiniñ hayışı boyunça olar göz öñüne alnıp, Maşada getiriljek, yööne şu gışıñ sowgunda olar açlıkdan we eşiksizlikden ölmekleri axmal, olarıñ kä-biyrleri bu yagdaya çıdaman ööz watanlarına öwrülmegi isleyärler.
Yagdayı boluşı yalı sizlere yetiryärin.
Polis
ştabınıñ başlıgı.
Polkovnik
Zarrabı
Peydalanılan çeşmeler
1.Melgonov.Hazar
yakasına siyahat.Parsça terjiyme eden
Gülzarı.Tehran 1985
2.Mekenzi.Demirgazık Eyrana siyahat.Parsça.M.Itihadiye
Gostere neşriyatı.Tehran 1980
3.
Mekenzi. Şol eser.
4.Bohler.Hazar
kenarına siyahat.Parsça.Xodaperet.Teh.1977
5.
Mekenzi. Şol eser.
6.Emin-etdöwläniñ
gündeliginden.Isfahaniyan.4-nji tom
7.Friyzer.G.B.
Gış siyahatı.Parsça.Emiri.Teh.1985. Tus
8.Yate.J.
Xorasan we Sistan siyahatı.Teh.Röwşeni.1986
9.Watsen.G. Eyran Gajarlar döwründe.Mazenderani.Tehran
1969. Suxon neşriyatı.
10.Ga-em
mukamıñ hatları.Gaytadan iyşlän Muhommed.Şark
neşriyatı.1987
11.Muriye.G Ispıhanlı Hajıbaba.
12.
Ga-em mukamıñ hatları.
13.Eyran
mejlisiniñ ilkinji döwür açılış çıkışlarindan.Resmi
mejlis gazetinden.1907
14.V.Mazenderani.Eyranıñ iñ gadımı döwürlerden bäri daşarı
yurtler bilen baglan şert-namaları.Daşarı iyşler
ministerligi.
15.Moxber.M. Eyran serhetleri.Teh.1966
16-19.Logaşova.B.R:Eyranlıtürkmenler.Parsça.Izedi-Tähvili.
Tehran.1980.
20.
15.Moxber.M. Eyran serhetleri.Teh.1966
21.Eyranıñ senat mejlisiniñ kararları.1955